DFA: dili tinuod nga blacklisted ang PH sa France

TAGBILARAN CITY, Bohol, May 29 (PIA)--Gitataw sa Department of Foreign Affairs (DFA) nga dili tinuod nga apil ang Pilipinas sa mga nasud ug teritoryong blacklisted sa France tungod sa giingong kakulang sa kooperasyon sa pag-imbestigar sa mga anomalya sa foreign aid. 

Sa taho sa Agence France-Presse, giingong apil ang Pilipinas sa 17 ka nasud nga blacklisted sa France.

Sa pahayag ni DFA Secretary Albert del Rosario, miingon kini nga mismong ang French government na ang miingon nga sayop ang maong taho. 

"On the news that France blacklisted the Philippines over foreign aid fraud, I have sought clarification with the French Government and have been officially advised that this information is totally inaccurate," matud pa ni del Rosario.

Giingong may bag-o nang listahan ang France sa mga blacklisted nga nasud ug wala naapil niini ang Pilipinas. 

Dugang pa ni del Rosario, ang sayop nga taho naggikan sa pakighinabi sa usa ka civil servant sa usa ka pahayagan sa France.

"A full denial of this misinformation has been made by the French Foreign Minister. With relevance to the aforementioned blacklist, we have in fact been informed that there is a new list and this list does not include the Philippines. The mistake apparently arose from an interview of a civil servant by a French newspaper," matud pa ni del Rosario. 

Sa maong media article, gitumbok ang Pilipinas nga apil sa mga “non-cooperative states and territories” kauban ang Botswana, Brunei, Nauru, Guatemala, Switzerland, Lebanon, Panama, Costa Rica, the United Arab Emirates, Dominica, Liberia, Trinidad and Tobago ug Vanuatu. (PIA-Bohol/ecb/i-gg)