Gahum sa kababayen-an 

mi-epekto na sa Bohol? 

Rey Anthony Chiu 

TAGBILARAN CITY, Bohol. May 21, 2013 (PIA) – Mao na kaha kini epekto sa adbokasya alang sa kalingkawasan sa kababayen-an? 

Dinhi sa Bohol, napun-an og siyam ka babayeng mayor ang kanhiay nga lima ka babayeng mayor nga napili og usab, nga maoy hinungdang naabot na sa 30% ang gidaghanon sa kababayen-ang mayor sa kinatibuk-ang Bohol. 

Kasamtangang anaa na sa 16 ang mga babayeng mayor sa Bohol diin adunay 48 ka lungsod lakip ang syudad sa Tagbilaran. 

Kahinumduman nga niadtong milabay nga eleksyon sa Mayor 13, napili isip mayor sila Marietta T. Sumaylo sa Dauis, Leonila P. Montero sa Panglao, Natividad R. Gonzaga sa Danao, Necitas T. Cubrado sa Pilar, Tita B. Gallentes sa Garcia Hernandez, Maria Katrina L. Lim sa Valencia, Juliet B. Dano sa Sevilla, Conrada C. Amparo sa Duero, Helen C. Alaba sa Loboc, Judith R. Cajes sa Trinidad ug Josephine Socorro C. Jumamoy sa Inabanga. 

Sila si Cajes in Jumamoy parehas nga nakalingkon na kaniadto isip mayor ug mibalik sa pwesto. 

Sa laing bahin, wala mapukan sa ilang gilingkoran ug gihatagan sa lab-as nga mandato sa pagka hepe ehekutibo sa ilang mga lungsod sila Regina C. Salazar sa Lila, Rosemarie L. Imboy sa Loay, Tesalonica A. Boyboy sa Carlos P. Garcia, Ma. Fe A. Piezas sa Guindulman ug Esther F. Tabigue sa Mabini. 

Gawas niini, laing lima ka babaye ang napili isip bise mayores sa kalungsuran sa Bohol. 

Lakip sa mga napili mao sila Ma. Asuncion B. Daquio sa Corella, Pureza V. Chatto sa Balilihan, Velden B. Aparicio sa Clarin, Angelina B. Simacio sa Anda ug Charito P. Lao sa Sagbayan. 

Sa laing bahin, napili usab si Jovanna C. Jumamoy isip Bokal sa ikaduhang Distrito samtang napili si Godofreda O. Tirol isip usa sa upat ka bokal sa ikatulong distrito. 

Kasamtangang babaye usab ang bise gobernador sa Bohol nga si Concepcion O. Lim