PAccO miaghat sa may cash 

Advances sa pag-settle na 

Rey Anthony Chiu 

TAGBILARAN CITY, Bohol. May 20, 2013 (PIA) – Miaghat ang Buhatan sa Accountant sa Kapitolyo ngadto sa mga empleyaod nga aduna pay cash-advances sa pagsettle na niini. 

Matud ni Josepth Celocia, tungod ka yang iyang buhatan ang natahasan sa Accounting ug Audit sa mga Disbursement Services sa Provincial Government, kay mandu sa gimbuhaton, ila na nga ipadala ang mga demand letters ngadto sa may mga outstanding Cash Advances. 

Matud ni Celocoa atul sa Convocation niadtong milabayng mga semana didto sa Kapitolyo nga bisan kon kanunay nilang gipahinumduman ang mga encargadong empleyado sa paghipno sa ilang mga liquidation tungod sa cash advances, may basehanan ang Provincial Accountant’s Office (PaCCO) sa pagpaningil. 

Matud niya, may gipagawas nga circular ang Commission on Audit (COA) COA Circular 2012-004 nga gi-siyu niadtong Nobyembre 2012, nga nagpadayag sa kaseryoso sa COA sa pagpangita sa mga kwarta sa kagamhanan nga wala pa ma account. 

Ang natumbok nga COA circular mipandu usab sa PACCo sa pagpasaka nagdto sa taas nga otoridad ang pagdemanda sa collection. 

Ang mga demands nga among gipadala nga wala tagda, among ipasaka ngadto sa Buhatan sa Ombudsman, bahad ni Celocia. 

Dugang pa, iyang gipahinumdom ngadto sa kadaghanan nga kadtong mga empleyado nga may nagbitay pa nga wala ma settle nga cash advances sa paghipno na niini sa labing dali nga panahon. 

Matud niya, kon dili i-settle ang un-liquidated Cash Advances, mahimo pa nga pugngan una sa PAcco ang pagswelkdo sa empleyado. 

Gawas sa sweldo, mahimo usab sa PAcco nga pugngan ang m,ga benepisyo nga dawatonon sa empleyadong may unsettled cash advance. 

==========

Direktor nangunay og tambong 

Sa audition sa Bamboo Flowers 

Rey Anthony Chiu 

TAGBILARAN CITY, Bohol. May 20, 2013 (PIA) – Mismo ang inila ug gitahud nga Bol-anong director sa pelikula ang milingkod alang sa usa ka audition sa mga mahimo unya nga magsasalmot sa salidang anhi sa Bohol kuhaon. 

Mismo si Direktor Mario J. delos Reyes ang usa sa tulo ka mga tigpili sa artista ang milinglkod aron saksihan ang pagpasundayag sa mga nagdamgong maka-apil sa salida nga Bamboo Flower didto sa BQ Mall Food Plaza Mayo 20. 

Ang salida nga Bamboo Flower anhi sa Bohol i-shoot. 

Kon makuha sa salida, maka-uban sa mga Bol-anong amateur nga artista sila Maylene Dizon ug mga kaubanan, kinsa maoy magdala sa mga nag-unang mga papel sa salida. 

Ang Bamboo Flowers usa ka gihugpong nga mga sugilanon nga nagpadayag sa mga kinabuhi sa daghang mga character sa mga Bol-anon. 

Usa niini ang sugilanon ni Ma’am Berta ug anak nga si Omel kinsa malipayong nanginabuhi duol sa suba sa Abatan River dapit sa Antequera. Apan diha sa atubangan sa himalatyon niining amahan, bisan pa sa pagpanarbaho ni Omel isip sakop sa cultural collective sa dapit, mapugos kini og langyaw sa syudad, biniyaan ang iyang gugma sa pagpasundayag aron makapangita og kwarta aron ikaabag sa banay. 

Laing sugilanon ang kang, Sandra kinsa napugos na lamang sa pag-uli sa ilang lungsod sa Anda uban sa iyang anak nga si Eric human malubong ang iyang bana, nga mao usay nakapordoy kanila. Tubong syudad, si Eric kinahanglang makat-on nga manginabuhi sa bukid samtang iyang kaligutgutan ang kamatayon sa iyang amahan ug sa iyang di hanoy nga relasyon sa iyang inahan kinsa iyang gituohang huyang. 

Lahi usab ang sugilanon ni Dolores, usa ka intern sa usa ka resort sa Panglao. Ang uyab ni Dolores nga si Luis naa na sa katapusang semester sa iyang pagtungha sa maritime school. Bisan nagminahalay ang duha, buot nilang makahuman sa pag-eskwela aron makapanimpalad sa gawas sa nasud. 

Samtang sayon ang kahimtang sa pagtuon ni Dolores, nag-ilaid sa pagpasar si Luis. Tungod niini, napugos ang iyang amahan sa pagpa-pauli ni Luis sa Alicia aron manguma na lang, ug kalimtan na lang ang iyang damgong mag seaman. 

Kini maoy magpabuwag sa duha, ug si Dolores mahaylo na hinuon sa aghat sa usa ka foreigner kinsa iyang ikataban hangtud na sa kaminyoon. 

Niini nga mga sugilanon, matud ni delos Reyes nga kon ang kawayan mosugod na og banay o mamuwak, kini timailhan sa iyang nagsingabot nga pagkadugnas nagdto sa kamatayon. 

Apan sa iyang kamatayon, may ikapakita kining banay nga sama sa kandelero, usa ka mahimayaong pahinumdom nga sa matag kinabuhi nga matapos, usa ka mahimayaong sugilanon ang ikabilin niini sa kalibutan.