Pasa na sa inyong “SECE,” 

Pahinumdom sa Comelec 

Rey Anthony Chiu

TAGBILARAN CITY, Bohol. May 27, 2013 (PIA) – Daug ka man, pilde o ming-atras saw ala pa ang piliay, obligado ka nga mopasa nagdto sa Commission on Elections sa imong Statement of Election Contributions and Expenses (SECE). 

Matud sa mga tinugyanan sa Comelec, ang pagkapakyas sa pagfili niini sulod sa 30 ka adlaw human ang piliay mahimong kinasugdanan sa imong mga suliran. 

Segun sa Rule 8, Section 2 sa Comelec Resolution. No. 9476 nga gipetsahan June 22, 2012 ug gi-ila nga Comelec’s Campaign Finance and Disclosure Policy, ma pildero ka man, midaug o miatras, kinahanglang mopasa gayud sa report. 

Ang mapakyas niini, kon midaug, dili makalingkod sa pwesto tungod kay dili makapanumpa sa katungdanan kon walay sertipikasyon gikan sa Comelec kabahin sa pagtuman sa mandu sa SECE. 

Sa mga napakyas sa ilang pagpanimpad, ang kapakyasa sa pagpasa sa SECE ngadto sa Comelec office diin siya mi-file sa Certificate of Candidacy, mahimong kababagan na sa iyang sunod nga pagdagan sa pwesto. 

Sama usab ang maangkon sa mga tawong miatras sa piliay ug wala makapasa sa ilang SECE, matud sa Comelec.

Ang balaod sa SECE gitumong aron walay mosupak sa gilatid sa balaod nga sobra nga pag-gasto sa panahon sa piliay. 

Segun sa Fair Elections Act, ang usa ka kandidato nga nasakop sa usa ka patrido gitugotan lamang sa paggasto og balig P3.00 sa matag botante nga nareshitro sa iyang lugar.

Ang mga independente usab gitugotan sa paggasto og P5.00 matag botante. 

Kalapasan usab sa Fair Elections Act ang dangatan sa tawong mogasto og lapas sa gilatid sa balaod, diin mahimong kasilutan sa usa ngadto sa unom ka tuig ug may accessory penalties pa nga permanenteng pagkawala sa katungod nga magpalili ug matudlo sa pwesto sa kagamhanan.

===============

Bohol nag-una na usab sa pagsalig 

sa workforce dev’t niini sa BAHRR 

Rey Anthony Chiu 

TAGBILARAN CITY, Bohol. May 27, 2013 (PIA) – Ang tanang mata nag-tan-aw na usab sa Bohol karon sa iyang maisogon nga pagsugod sa usa ka proyekto sa pagbansay sa iyang trabahantes sa industriya sa turismo. 

Gipanid-an na ang Bohol karon tungod sa pagsangon niini sa pagbansay sa mga trabahante sa turismo ngadto na sa usa ka pribadong entity sama sa Bohol Association of Hotels Resorts and Restaurant (BAHRR). 

Matud ni Jeffrey Bernasor, kinsa pointperson sa LGSP-LED sa local nga buhatan sa Department of Interior and Local Government (DILG) atul sa paglagdaay sa kasabutan kalabut sa programa tali sa LGSP LED, BAHRR ug gisaksihan sa Department of Trade and Industry Bohol, kini pa maoy unang higayon. 

Gilagdaan ang kasabutan diin ang mga gitumbok nga mga bansaybansay alang sa mga buot motrabaho sa sector sa turismo sa Bohol ilabi na sa PaDaYon, mahimong bansayon una pinaagi sa mga pasilidad nga naa na sa mga sakop nga establisemento sa BAHRR. 

Butyag ni Bernasor nga samtang nahimo na kini sa nasud sa Canada, kini maoy labing una sa upat ka mga lugar sa nasud diin ang LGSP LED gihimong pilot. 

Local Government Support Program Local Economic Development (LGSP-LED) 8 ka tuig nga proyektong tinabangay sa kagamhanan sa Canada ug Pilipinas aron kab-oton ang peosyente, paspas nga serbisyo, sihag ug dayag nga pagpangagamhanan sa tanang antas sa nasud. 

Tumong usab niini ang pagkunhod sa kawad-on pinaagi sa paglig-on sa pangagamhanan u gang pagsuporta sa malungtarong local nga kaugmarang ekonomikanhon. 

Alang sa Panglao Dauis Baclayon (Padayon) Bohol Marine Triangle, ang LGSP nag-abag sa local nga mga kagamhanan nga makab-ot kining mga tumong. 

Usa sa mga natumbok nga paagi aron kunhoran ang kawad-on ug menosan ang grabeng pagpanagat didto mao ang pagpasugod sa pagpanarbaho sa mga taga didto sa sektor sa turismo. 

Sa labing bag-ong workshop sa Padayon, natumbok nga gikinahanglang bansayon una ang mga taga didto sa gikinahanglang katakus manarbaho. 

Niini, natumbok usab nga ang pagbansay, isalig sa BAHRR, kinsa hanas na sa samang gimbuhaton.