AICHR Chairmanship, gitugyan na 

sa Pilipinas ngadto sa Singapore

PANGLAO, BOHOL, Nov. 28 (PIA)--Gitugyan na sa Pilipinas ngadto sa Singpore ang Chairmanship sa Association of Southeast Asian Nations (ASEAN) Intergovernmental Commission of Human Rights (AICHR).

Si Philippine AICHR Chairman, Leo Hererra Lim nitugyan sa AICHR chairmanship kagahapon sa hapon ngadto sa kaatbang niini sa Singapore nga si Dr. Shashi Jayakumar .

Ang maong pagtugyan gipagihayon atol sa ikaduhang adlaw sa ika-25 nga AICHR Senior Officials Meeting didto sa Hennan Alona Beach Resort sa lungsod sa Panglao.

Ang nasod nga Singapore na usab ang host sa ASEAN 2018 Summit. 

Sa wala pa ang pagtugyan sa AICHR Chairmanship, gipahigayon usab ang awarding ceremony sa ASEAN Youth Video Competition nga may temang “ASEAN Against Trafficking: Human are not for Sale.” 

Si Mohammad Asraf gikan sa Malaysia nga gi-representahan ni Mohammad Shufaat maoy nakadawat sa People’s Choice Award samtang si Shoklin Chhorn sa Cambodia ang midaog sa ASEAN Youth Video Competiiton.

Silang duha nakadawat og ganting salapi gikan ni Philippine AICHR Chairman Lim. (ecb/PIA7-Bohol)

Gitugyan ni Philippine AICHR Chairman Leo Hererra Lim ngadto sa kaatbang niini sa Singapore nga si Dr. Shashi Jayakumar ang Chairmanship sa Association of Southeast Asian Nations (ASEAN) Intergovernmental Commission of Human Rights (AICHR) niadtong Nob. 27 sa Hennan Alona Beach Resort sa lungsod sa Panglao. (ecb/PIA7-Bohol)