Bohol andam na sa 

ASEAN SOM dinhi 

TAGBILARAN CITY, November 21 (PIA)--Andam na ang mga mga tinugyanan sa seguridad ug peace and order lakip na ang emergency preparedness ga nasakop sa tagsatagsa ka Task Groups alang sa posibleng katapusang tigum sa ASEAN nga dinhi himoon sa Bohol, matud sa mga tinugyanan. 

Kini samtang kapin sa 200 ka mga Senior Officials ug Ministers (SOM) sa Association of SouthEast Asian Nations (ASEAN) ang mangabut dinhi sa Bohol karong semanaha alang sa ika duha nga ASEAN Inter-Governmental Commission on Human Rights (AICHR) nga adto gihapon mahitabo sa Panglao. 

Ang AICHR maoy ika upat ng tigum sa ASEAN ug posibleng katapusan usa sa mga tigum nga himoon sa Bohol samtang nag saulog ang hugpong sa mga nasud sa ika 50 nila kakasumaran sa katukoran. 

Tungod niini, may mas hugot nga seguridad ang ilatad sa mga sakop sa Task Group Bohol ilabi na sa mga lugar nga permihan sa mga delegados ug hain himoa ang mga meetings, events ug suroyanan, kini maoy gipasalig sa Task Group Bohol Deputy Commander General Arnulfo Matanguihan. 

Ug sama sa unang SOM meeting dinhi ssa ASEAN niadtong Abril, kapin sa 3 ka libo ka kapolisan ug kasundalohan ang ipakatag sa Panglao ug sa Bohol aron magpugong sa bisan unsang laraw sa paggubot sa maong tigum, butyag ni Police Superintendent Julian Entomo, atul sa iyang briefing sa mga sakop sa Local Organizing Committee sa ASEAN. 

Magsugod nag pangabut ang mga sakop sa National Organizing Committee (NOC) sa Nobyembre 24 samtang ang mga delegados sa ASEAN, sa Nobyembre 25 pa. 

Opisyal nga magsugod ang mga tigum sa ASEAN dinhi sa Bohol sa Nobyembre 25 ngadto na sa 30, segun pa sa briefing sa kapulisan didto sa atubangan sa Local Organizing Committee sa tigum didto sa Philippine Ports Authority Multi-Purpose Hall (PPA MPH) sa pantalan sa Tagbilaran. 

Sa briefing nga gihimo ni Police Superintendent Entomo, kinsa maoy mamahimong hepe sa Secretariat sa Multi-Agency Coordinating Council (MACC) alang sa ASEAN, mibutyag nga tumong sa Commander sa Task Group Bohol nga laing "Zero ASEAN related incidents" gihapon human sa mga tigum sa ASEAN lakip na ang mga kalihukan niini dinhi sa Bohol. 

Sa tigum nga gitambongan sa mga nagkadaiyang ahensya sa kagamhanan nga gipatawag ni Gob Edgar Chatto, ug si Acting Vice Governor Atty. Vincenzo Arcamo ang pagpreside, nasabutan na usab ang pagpahibalik sa mga pag-pangandam alang sa mabulokong pag-abi-abi sa mga bisita. 

Niini, nanawagan gihapon ang mga lokal nga opisyales nagdto sa mga Bol-anon nga ipadayon ang nasandang kalihukan sa pag-abi-abi sa mga bisita ug pag-andam nga samag pista ang pag-abi-abi. (rahc/PIA-7/Bohol)

Magmabinantayon gihapon, aghat ni BGen Arnulfo Matanguihan, deputy Commander sa Task Group on Peace and Order and Security alang sa ASEAN Bohol, didto sa tigum sa Local Organizing Committee sa ASEAN sa ika duha nga ASEAN InterGovernmental Committee on HUman Rights dinhi sa Panglao. (rahc/PIA-7/Bohol)