Signal 1 sa bagyong 'Salome'

giisa ibabaw sa 22 lalawigan

TAGBILARAN CITY, November 9, 2017 (PIA)--Gipapangandam na ang kawhaan ug duha ka lalawigan nga mahimong maligsan sa karon nahimo na nga bagyo nga gihinganlan og Salome (#SalomePh)

Sa pahimangno batok sa Tropical Cyclone nga giluwatan sa Philippine Atmospheric Geophysical and Astronomical Services Administration (PAG-ASA) sa alas 10:00, Nobyembre 9, gibutyag sa state weather bureau nga ang Low Pressure Area nga ilang gipanid-an sukad pa gahapon nga didto sa kasubangan sa Catarman Northern Samar, nahimo na nga bagyong Salome. 

Tungod niini, napataas na ang Tropical Cyclone Warning Signal #1 sa Metro Manila, Rizal, Bataan, Camarines Norte, Camarines Sur, Catanduanes, Albay, Sorsogon, Masbate lakip na ang Ticao ug Burias islands, Romblon, Marinduque, Quezon, Laguna, Cavite, Batangas, Oriental ug Occidental Mindoro, Northern, Eastern Samar, Samar, Leyte ug Biliran. 

Sa mga lugar nga napailawom sa TCWS #1, masinati ang 30 ngadto sa 60 kilometros matag oras nga hangin sulod sa 36 ka oras, segun sa PAG-ASA. 

Ganinang alas 10:00 sa buntag, ang sentro sa bagyong si Salome, namatikdan subay sa mga nagtutok nga mga kahimanan sa pagbantay sa dagans a panahon nga naa na sa silinganang dapit sa 50 km Habatan Habagatang-Kasadpan sa Juban, Sorsogon (12.6 °N, 123.8 °E). 

Matud sa PAG-ASA, si Salome mingkusog pag dyutay samtang mitadlas sa Ticao Pass. 

Gikan sa pagka low pressure area (LPA), ang bagyong Salome nagdala na sa maximum sustained winds sa 50 kilometros matag oras duol sa sentro niini ug may kalit-kalit nga huros nga moabut sa 90 kilometros matag oras ug nagdagan sa rumbo nga Kasadpan Amihanang-Kasadpan (west Northwest) sa gikusgong 25 ka kilometros matag oras. 

Tungod niini, mapaabut ang kasarangan ngadto na sa kusog nga uwan sulod sa 250 kilometros nga kalapdon sa bagyo ilabi na nga ang bagyo gipaabut nga motadlas sa Sibuyan Sea karong palis. 

Dugang pa sa PAG-ASA, kadtong mga nanimuyo sa kasubangan nga bahin sa Central Luzon gipahimangno-an na nga mangandam sa posible nga pagdahile sa yuta ug mga pagbaha. 

Gipahimangno-an usab ang kadaghanan sa mga lugar diin giisa ang storm signal sa dli una pagpalawod ug pagbyahe sa kadagatan dala sa kasarangang nagdto na sa dagkong bawod nga nakahimong delikado sa paglawig sa dagat. 

Sa Sabado pa pohon sa buntag gilantaw nga mogawas ang bagyo sa Philippien Area of Responsibility. 

Sa iyang kasamtangan nga dagan, ugma sa udto, human sa 24 oras, ang bagyo naa na sa 195 km (Habagatang-Kasadpan) Southwest sa Iba, Zambales(14.2°N, 118.6°E), samtang sa sunod adlaw, naa na kini sa 505 km Amihanan sa (North of) Pagasa Island, Palawan (15.5°N, 114.4°E) (gawas na sa PAR)

Sa Domingo sa buntag, si Saloma naa na sa 775 km Amihanan-Amihanangkasadpan sa (North Northwest) Pagasa Island, Palawan (17.0°N, 110.5°E), gawas sa PAR. (rahc/PIA-7/Bohol)