‘Vinta,’ mihinay human 

mitabok sa Davao Region

TAGBILARAN CITY, Dec. 22 (PIA)--Mihinay ang bagyong Vinta human mitabok sa amihanang parte sa rehiyon sa Davao.

Katapusang nasigpatan ang bagyo sa bisinidad sa syudad sa Malaybalay, Bukidnon.

Dala niini ang gikosgon sa hangin nga mokabat sa 80 kilometro matag oras duol sa tunga-tunga ug adunay pagbugso nga mokabat sa 130 kilometro matag oras.

Padayon nga naglihok ang bagyong Vinta sa direksyong kasadpan sa kusog nga 18 kilometro matag oras.

Naka-isa ang tropical cyclone warning signal number 2 sa—Agusan del Sur, Davao del Norte, North Cotabato, Misamis Oriental, Bukidnon, Lanao del Norte, Lanao del Sur, Misamis Occidental, Zamboanga del Norte, Zamboanga del Sur, ug Zamboanga Sibugay.

Samtang signal number 1 sa —Southern Leyte, Bohol, Southern Cebu, Negros Oriental, Southern Negros Occidental, Siquijor, Dinagat Island, Surigao del Norte, Surigao del Sur, Agusan del Norte, Camiguin, Compostela Valley, Davao Oriental, Davao del Sur, Maguindanao, Sultan Kudarat, ug Basilan.

Padayon nga gitambagan sa Philippine Atmospheric, Geophysical and Astronomical Services Administration (PAGASA) ang mga residente sa mga nahisgotang lugar nga kanunay’ng magbantay ug naka-alerto sa posibleng kalit nga pagbaha ug pagdahili sa yuta.

Gipaabot nga sa Lunes, adlaw sa Pasko padayong mogawas sa Philippine Area of Responsibility (PAR) ang bagyong Vinta. (ecb/PIA7-Bohol)