DOE: excise tax sa petrolyo

nga daang stock, di mahimo

TAGBILARAN CITY, January 3, (PIA)--Bisan kon magsugod sa Enero 1, 2018 ang pagpatuman sa excise tax ug value added tax sa mga produktong petrolyo ilawon sa gilagdaan nga Tax Reform for Acceleration and Inclusion (TRAIN), gipasabut sa Department of Energy (DOE) nga ang bag-ong rate sa excise tax dili pa mahimong gamiton sa daan na nga pundo nga produktong petrolyo. 

Gibutyag sa DOE, pinaagi sa iyang Oil Industry Management Bureau (OIMB) ubay sa pagpakig-alayon sa Department of Finance (DOF), nga tungod kay dili pa magamit ang excise tax sa daan na nga produktong nakastock na sa nasud sa wala pa mapatuman ang TRAIN, agad lang usab nga dili mahimong ipatung dayon sa mga retailers ang excise tax ngadto sa mga konsumidor. 

Matud pa, ang excise tax, usa ka buhisan nga nasukip na sa produktong gipalit og gikonsumo. 

Gipasabut sa DOE nga ang excise tax nga gipatung sa pagpalit sa produktong petroyo isip imported product, kadtong nia na sa nasud sa wala pa malagda-i ang balaod sa TRAIN, tataw nga dili mahimong patungan pag laing excise tax. 

Ang Excise Tax sa daan na nga stocks, nabayran na mao nga dili na bayran pa ilabi na sa point of sales sa mga konsumidor, pasabut ni,” Assistant Secretary Leonido Pulido III.

Hinuon, alang sa Value Added Tax, (VAT), ang bag-ong rates subay sa TRAIN nga mahimong ikapataw sa mga konsumidor, magamit na sugod sa Enero 1, 2018.

Niini, bisan pa sa nagpadayong paglihok sa presyo sa produktong petrolyo sa international nga pinalitay, ang hisgutanan sa gipangayo nga usbaw sa pletehan, kinahanglan pa nga masaka nagdto sa Land Transportation Franchising and Regulatory Board (LTFRB). 

Sa laing bahin, gibutyag sa DOE nga sang pagdeklara sa State of Calamity sa usa ka dapit, makapapugong usab sa pagsaka sa presyo sa mga produktong kerosena (‘price freeze’) ug sa liquefied petroleum gas (LPG).

Segun sa DOE, ang price freeze epektibo sa 15 ka adlaw is applicable, ug magsugod sa sunod nga adlaw human ang deklarasyon. 

Apektado niini ang 11 kilograms o mas gamay pa nga LPG nga naa sa mga tangke. 

Ang pagsibug sa presyo sa kerosena ipatuman sa matag Martes samtang ang pagsibug sa presyo sa LPG mahitabo lamang sa magatg sugod sa buwan. 

Subay usab niini, nanawagan ang DOE sa publiko nga magpa-ampingon og magmatngon aron makataho sa bisan unsa pa nga violation niining mga nahisgutang puntos ngadto sa info@doe.gov.ph o sa Consumer Welfare and Promotion Office at tel. no. 479-2900 loc. 329. (rahc/PIA-7/Bohol)