Registrations sa mga lumba 

Sa Alicia, taman Enero 26 ra 

TAGBILARAN CITY January 25 (PIA)—Hangtod ugma lamang nga mag-bukas ang pagparehistro sa The Alicia Panoramic Park (TAPP) Trail Run 2018 samtang duha ka oras sa dili pa ang lumba sa Kinatkatay sa Binabaje 2018 ang katapusang registration sa lumba sa bisekleta. 

Ang duha ka sunodsunod nga kalihukan sa paugnat sa kusog ug katakus nga modagan ug mobisekleta sa mga gagmay nga dalan nga nagtadlas sa mga kabukiran sa Cambaol Alicia, mahitabo na sa Pebrero 10-11, Sabado ug Dominggo, didto sa Alicia, Bohol. 

Alang sa mga interesado nga mosalmot, pagdownload lamang sa registration form nga nia sa facebook sa Alicia Unfolds nga account, fill-up unya ang bayad ipaagi sa money transfer, samtang iupload ang resibo balik sa Alicia Unfolds. 

P400 ang registration alang sa 5 kilometer trail run, P800 alang sa 21 kilometer trail run sa February 10 samtang P400 ang registration sa Kinatkatay. 

Alang mga moparehistro, mahimo ipadala sa bisan hain niining mga accounts: BDO (Valero-Herrera Branch, Makati) sa ngalan ni Venus Dy, o sa Acct Number: 1688024303, BPI (Leviste Branch, Makati) sa ngalan ni Venus Dy, Acct Number: 1685002023. Mahimo usab sa Metrobank (Salinas Drive, Lahug), sa ngalan ni Richard Anania Acct Number: 602-3-602-08878-3. 

Kon ang registration, pinaagi sa LBC /Palawan Pawnshop Pera padala, adto iaddress ni Godelia Lumugdang, Poblacion, Alicia, Bohol, mobile +639338655650. 

Ang rehistro maglakip na sa race kit, event t-shirt ug post race meals. 

Human mapadala ang rehistro, magkuhag kopya sa deposit slip (scanned o photo) ug iupload sa Facebook page sa The Farm at Alicia, o sa Alicia Unfolds dala na ang Full Name, Address, Gender, edad, ug sukod sa t-shirt. 

Alang sa dugang pangutana, tawag sa Alicia Tourism Office, LGU-Alicia o I message sa facebook si Godelia Lumugdang (Tourism Officer). (rahc/PIA-7/Bohol)