65% kabalayan sa Bohol 

wala nay hulga sa drugas 

TAGBILARAN CITY, March 26 (PIA)—Tulo ka buwan human ilusad ang kinaugalingong paagi sa pagtimaan nga nalimpyo na ang Bohol sa hulga sa illegal nga drugas, nakab-ut na sa Bohol ang 65.33%, segun sa taho sa kapolisan. 

Kini subay sa kadaghanon sa mga panimalay nga nabutangan nag drug abuse free stickers segun sa sistema nga gisagop sa lalawigan. 

Ang Bohol mipahigayun og kinaugalingon nga pamaagi sa pag-ila sa mga balay nga wala na mahulga sa druga pinaagi sa pagpapilit dinhi sa stickers nga nagtimaan nga walay nagpuyo sa panimalay nga migamit og kasamtangang nagpa-hiuli sa epekto sa illegal nag drugas. 

Niadtong Disyembre 30, gilusad sa Bohol ang sistema sa pagpapilit sa mga stickers sa mga balay nga wala nay suliran sa drugas. 

Segun sa gisagop nga palisiya, wala’y ipilit nga stickers niadtong mga panimalay nga may sakop pang nag-padayon pang may epekto sa illegal nag drugas ug padayon pang gipailawom sa community based drug rehabilitation program. 

Gani, niadtong tigum sa Provincial Peace and Order Council (PPOC) sa buwan sa Pebrero, gimandto ni PSSupt Angeles Genorga and bag-ong hepe sa kapolisan sa Bohol sa pagseguro nga mapahimutang na ang mga stickers aron usab makita sa katawhan nga tininuod ang programa sa kagamhanan. 

Sa kinatibuk-ang 300,320 ka mga panimalay sa Bohol, segun sa mga tinubdan sa Kampo Dagohoy nga may 197, 184 na ka panimay ang napapilitan na sa sticker nga nagtimaan nga luwas na kini sa hulga sa illegal nga drugas. 

Gani, sa milabay nga tulo na ka buwan, nasulod na sa mga kapolisan ang 967 ka kabarangayan ug may mga balay na dinhi nga nagpakita na nga sila luwas na sa drugas, segun sa giplastada nga mga stickers dinhi. 

Apan bisan pag naa na sa 87% ang kinatibuk-ang gidaghanon sa 1,109 ka barangays sa Bohol nga nasulod, ug kansng mga kabalayan may mga drug-free stickers na, daghan pa gihapong mga panimalay ang wala pay stickers dala sa padayon pa nga pag-verify sa kapolisan sa pagka-duhig sa drugas sab san usa na lamang sa mga nanimiyo niini. 

Alang usab sa mga barangay nga may mga niangkon nag nakagamit og drugas ug mitahan sa kaugalingon atul sa Oplan Tokhang, hangtud nga ang mga mitahan, mapailawom sa community based drug rehab ug makakompleto sa kinatibuk-ang proseso, hayon dili gihapon kini makakuha sa drug-free stickers. 

Labing menos tulo ka buwan nga padayon ug way putol nga rehab ang kinahanglang masinati sa kadtong may labing menos nga gamit sa drugas samtang kadtong medyo grabe na ang kahimtang, ipailawom usab sa clinical evaluation ug treatment hangtud nga makalapus kini. 

Sa sunod buwan, gipaabut sa kadagahanan ang mas daghan pang kabalayan ang ma clear, dala sa 95% sa mga slight users ug mga surrenderers nga motapos na sa ilang rehabilitation. (rahc/PIA-7/Bohol)