PCG nangita'g 5,000 ka mga
bag-ong sakop, apil babaye

TAGBILARAN CITY, March 12 (PIA)--Nanginahanglan ang Philippine Coast Guard (PCG) sa 5,000 ka mga bag-ong sakop alang sa ilang tinuig nga nasudnong quota.

Kini maoy gibutyag ni Lt. Erikzon Laza, bag-ong commander sa PGC Bohol Tagbilaran City Station.

Tibuok nasud mana nga quota, lakip na niini ang mga kababayen-an nga nag-laum nga maka-alagad sa nasud pinaagi sa pagbantay sa kabaybayonan.

Ug alang sa mga babaye nga nagtuo nga ang PCG, alang lamang sa mga kalalakin-an, 6 na ka babayeng sakop sa PCG ang ania sa Tagbilaran.

Kanhi-ay nga gituohan nga trabaho nga angay lamang sa mga babaye, ang PCG karon bukas gihapon sa tanan nga buot mahimong tigbantay ug tigpatuman sa mga balaod sa kadagatan.

Ug kon ugaling may mga babaye nga mataha, sa labing unang higayon, gitunolana ang mga babayeng sakop sa PCG sa tagsa ka tukog sa rosas, ug cakes samtang gisaulog sa PCG Bohol ang labing unang flag raising uban sa ilang bag-ong commander, Marso 12.

Matud ni Lieutenant Erikzon Laza, bag-ong commander sa Coast Guard Bohol, ang pagtunol sa mga buwak pagpakita sa ilang pagtamud sa kababayen-an nga nagpas-an sa mga gimbuhaton sa panimalay samtang nanarbaho usab ilabi na sa ilang gimbuhatan sa kagamhanan.

Ang buwan sa Marso maoy giisip nga buwan sa mga Kababayen-an, ug niining kasaulogan, gisagop sa nasud ang tema nga "We Make Change Work for Women."

Hinuon, wa nanglabay nga mga nag-una pa nga mga commanders sa Coast Guard, gihatagan gihapon og bili sa mga importante nga mga buhat ang ilang mga kababayen-an.

Ang dayag nga paghatag sa PCG sa mga kababayen-an sa mga buwak ug espesyal nga pagtagad nga gihatag sa ilang bag-ong labaw, nagpakita sa mas dan-ag nga relasyon sa kababayen-an, segun pa sa usa ka babayeng sakop sa PCG.

Kahinumduman nga human gisangonan sa responsibilidad sa pagpanguna sa Coast Guard Station sa Bohol, si Lt. Laza, kinsa usa ka accomplished swimmer ug piloto, namahayag sa kadaku sa tahas sa Coast Guard, ug midayeg sa ilang kakabayen-an nga nakig ambas sa mga lalaki sa buhat.

Kahinumduman usab nga gisangon nagdto kang Lt. Laza ang pagdumala sa Coast Guard Bohol pinaagi sa usa ka pormal nga seremonyas didto sa Jjs Seafoods sa milabay nga semana.

Ang Coast Guard, sanglit usa ka sanga sa kusog militar sa nasud, kanunay na nga gituohang buhatan nga gihari-an sa mga kalalakihan.

Sa Coast Guard sa Tagbilaran, may 6 ka mga sakop nga babaye ang personal nga gitunolan sa mga buwak, atul sa unang flag ceremony nga gitambongan ni Laza. (rahc/PIA-7/Bohol)