Duterte, nipasidaan sa mga mayor nga bawion
ang deputation gikan sa NAPOLCOM
PANGLAO, Bohol, June 29
(PIA)--Nipasidaan si Presidente Rodrigo Roa Duterte nga bawion niya ang deputation sa mga mayor gikan sa
National Police Commission (NAPOLCOM) alang sa ilang superbisyon ug kontrol sa
lokal nga Philippine National Police (PNP).
Matud pa sa
Presidente, himuon lamang niya kini sa mga mayor nga adunay taas nga lebel sa
kriminalidad ug operasyon sa ilegal nga droga.
Giingong sa higayong
matangtangan na og deputation ang mga mayor, mahimong sibilyan na lamang sila ug
wala na’y kontrol sa mga pulis.
Pasabot pa ni Duterte,
daghang bise mayor ang nagpaabot nga molingkod nga mayor.
"If that is the way how you behave as a
mayor, you better go out. Eh di ibigay mo dito sa mga vice mayors. Marami ‘yan
sila naghihintay, matud pa sa President.
Si Duterte
maoy pinasidunggang dinapit sa ika-25 nga Annual National Convention sa Vice Mayor’s League of the Philippines (VMLP) niadtong
Hunyo 28 nga gipahigayon sa Bellevue Pavilion ning lungsod.
Gitambongan
kini sa kapin 600 ka mga bise mayor sa tibuok nasud.
Ikaduhang opisyal nga pagbisita na kini sa Presidente dinhi sa lalawigan sa Bohol. Ang iyang unang pagbisita dinhi niadtong nitambong siya sa security briefing atol sa pag-atake sa mga miyembro sa Abu Sayyaf sa lungsod sa Inabanga niadtong Abril 2017. (ecb/PIA7-Bohol)
No comments:
Post a Comment