Bag-ong Nationa Museum sa 

Bohol, gibuksan na sa publiko 

TAGBILARAN CITY, July 23 (PIA)--Gibuksan na sa publiko ang National Museum sa Bohol niadtong Hulyo 22, dungan sa pagsaulog sa ika-164 Bohol Day. 

Nahimutang kini sa kanhi Provincial Capitol ning syudad sa Tagbilaran. 

Gipangunahan ni Acting Assistant Director sa National Museum Angel Bautista ang pagputol sa laso kauban nilang Gob. Edgar Chatto, Davao City Cong. Karlo Nograles, Cong. Rene Relampagos, Postmaster General ug Chief Executive Officer sa Philippine Postal Corporation Joel Otarra, Amiga Abueva, ug Bishop Alberto Uy. 

Upat ka tuig ug siyam ka bulan human sa 7.2 magnitude nga linog niadtong tuig 2013, ang 1855 nga batong estraktura nahiuli sa iyang 1860 nga kahamili nga gi-adaptar alang sa paggamit og balik alang sa National Museum Bohol Area Museum ug Satellite Officer sa Visayas dinhi sa syudad sa Tagbilaran. 

Makita didto ang Abueva collections, mga buhat sa Bol-anong National Artist for Sculpture nga si Napoleon Abueva pinaagi sa exhibit nga “Pagpauli.” 

Gi-pahinungod alang sa memorya sa bantogang ‘artist’ sa pakig-alayon sa pamilyang Abueva, ang exhibit nga ‘Pagpauli’ nagpakita sa 26 ka mga mahinungdanong buhat gikan sa iyang personal nga koleksiyon gikan sa iyang balay sa lungsod sa Duero ug syudad sa Quezon. Mao kini ang labing unang dakong exhibit niya sa iyang panimalay sa lalawigan sa Bohol. 

Sa laing bahin, ang exhibit nga “Pagbanhaw” nga makita usab sulod sa museyo nagsulti kabahin sa estorya sa pagpahiuli sa mga simbahan sa Bohol. 

Samtang ang Philippine Postal Corporation (PhlPost) nagpasundayag usab sa ilang “Mga Selyong Pamana Stamp Exhibit” nga nahimutang sa Governor’s Gallery nga nagpakita sa mga pinakabag-ong gawas nga selyo sa Philippine’s 20 Heritage Churches, diin naapil ang simbahan sa Dauis. 

Sa usa usab ka galeriya, makita ang “The Outstanding Boholanos Around the World (TOBAW)” awardees sa Tigum Bol-anon Tibook Kalibutan (TBTK). 

Ang Bohol National Museum nga usa usab ka cultural center ug educational ug scientific institution, bukas matag adlaw’ng Martes taman Domingo gikan alas 8 sa buntag hangtod alas 5 sa hapon ug libre lamang ang pagsulod. (ecb/PIA7-Bohol) 

Gipangunahan ni Acting Assistant Dir. sa National Museum Angel Bautista ang pagputol sa laso kauban nilang Gob. Edgar Chatto, Davao City Cong. Karlo Nograles, Cong. Rene Relampagos, Postmaster General ug Chief Executive Officer sa Philippine Postal Corporation Joel Otarra, Amiga Abueva, ug Bishop Alberto Uy ang pagbukas sa Bohol National Museum nga nahimutang sa daang Provincial Capitol. Bukas kini matag adlaw’ng Martes taman Domingo gikan alas 8 sa buntag hangtod alas 5 sa hapon ug libre lamang ang pagsulod. (ecb/PIA7-Bohol)