BI nagpakitabang sa
pagtaho
sa nanimuyo’ng mga langyaw
TAGBILARAN
CITY, Bohol, July 10 (PIA)—Nangayo na og pakitabang ang Bureau of Immigration
(BI) sa mga local nga kagamhanan aron ma-ihap na og apil sa mga tinugyanan ang
mga langyaw na permanente na nga nanimuyo sa Bohol.
Kini,
samtang gitaho sa Bohol Field Office sa BI nga sa pagka-karon, 491 lamang ka
langyaw ang narehistro sa ilang buhatan nga naghupot sa mga visa nga
non-immigrant o immigrant.
Gipasabut
ni Atty. Valerie Ann Narona, confidentiual agent sa BI, nga ang pagpangita sa
sa mga langyaw, dili lang maghatag sa mga tinugyanan sa kagamhanan sa kasayuran
kon asa ra ug naunsa na sila, kay mas makatabang pa usab kini sa pagpanalipod
ingon man sa pagpugong nga wala kini mga dautan nga binuhatan samtang ania sa
nasud.
Nagtuo
ang BI nga sa kadaghan sa mga langyaw nga nagsuroy-suroy sa Bohol ug sa
kaanindot sa Bohol alang kanila, daghan ang mihukom na lamang sa pagpabilin
dinhi ug wala na mamumbaling pa og pagpahibaw sa mga tinugyanan.
Ikaduha,
kon daghan ang mga Bol-anon nga wala masayud nga may local na nga buhatan sa BI
dinhi, may rason usab nga ang mga langyaw, nagtuo nga wala usab dinhi BI ug
dili na sila mahibaw-an pa.
Ang
BI, maoy nag-una nga kaabag sa Department of Justice ug sa Presidente sa
Pilipinas aron ikapaneguro nga ang tanan nga mga langyaw sulod sa Pilipinas,
nagsunod sa mga balaod,
samtang
gikatambayayong usab ang local ug mga international nga ahensya pagpanalipud sa
nasud batok sa mga langyaw kansang presensya dinhi, maghulga sa nasudnong
seguridad, public safety, public morals ug public health.
Ang
BI usab maoy tighupot sa tanan nga mga immigration records kalabut sa pagsulod,
temporaryong pagbakasyon, pagpanimuyo, ug pag-larga sa mga langyaw gawas sa
Pilipinas.
Apan,
dala na sa kagamay sa ilang buhatan dinhi sa Bohol, matud ni Atty Narona,
kasagaran nga kaso kon makakita na ang mga langyaw sa Bohol, daghan ang dili na
makahunahuna og uli unya dili na magpahibaw.
Samtang
dili makahikaw ang Bohol sa mga turistang langyaw, ang kasinati-an sa ubang
lugar nga giduaw usab sa mga turista nagpakita nga may mga masagol usab nga mga
langyaw nga badlungon, mga milayas sa balaod sa ilang mga nasud ug mga
terorista nga nagpaka-aron ingnon nga turista.
Dugang
ni Atty. Narona, gikan sa Enero ngadto sa Hunyo, 45 na ka langyaw sa nasud ang
may mga visa nga naduhigan sa mga salaud nga pangilad, ug ekonomikanhong krimen
sa ilang mga nasud.
May
153 usab ka mga langyaw ang napasanginlan nga miapil sa cybercrimes sama sa
voice phising, online nga sugal, mga salaud sekswal, pangulata ug pang-abuso.
Dala
sa kadyutay lamang sa ilang tawo, walay laing mahimo ang BI kon dili ang
paghangyo sa mga LGUs nga motabang sa pagpangita niining mga langyaw nga wala
marehistro, pinaagi sa pagtaho niini ngadto sa buhatan sa BI.
Ang
hangyo sa BI, ubay usab sa sugyot sa hepe sa kapolisan sa Bohol, PSSupt Angeles
Genorga nga mapugos unta ang mga hotels, resorts ug pension houses sa pagkuha
sa mga detalye sa mga langyaw nga mosaka, ug magpa-ambit niining mga importante
nga kasayuran sa mga tinugyanan sa BI ug sa kapolisan aron dali nang ilhon kon
hain na ang mga langyaw. (rahc/PIA-7/Bohol)
Si Atty Valerie Ann Narona, mipaambit sa PPOC sa ilang
suliran pagpangita sa mga langyaw nga wala na marehistro sa BI ug nia na permanente
nga nanimuyo sa kalungsuran sa Bohol. (rahc/PIA-7/Bohol)
No comments:
Post a Comment