‘Fuel subsidy’ memo,

Gilagdaan na sa DOE

TAGBILARAN CITY, Bohol, July 11 (PIA)—Gilagdaan na sa Department of Energy DOE) pinaagi ni Secretary Alfonso G. Cusi didto sa Multi-Purpose Hall sa Department of Budget and Management (DBM) ang Joint Memorandum Circular (JMC) No. 1, series of 2018, nga naglatad sa general guidelines sa pagpatuman sa Pantawid Pasada Program.

Ang DOE maoy nag-una sa unom ka mga ahensya nga magpatuman sa Pantawid Pasada, o programa nga maghatag og mga vouchers isip fuel subsidy nagdto sa mga kwalipekado nga naghupot og prangkisa sa mga public utility jeepneys (PUJs) aron may magamit sa pagpatubil.

Ilawom sa JMC, ang DOE maoy natahasan nga mag coordinate sa mga kompanya sa lana aron ipaneguro nga ang mga vouchers igo na nga dawaton isip paagi sa pagpatubil.

Kauban sa LandBank of the Philippines (LBP),  ang DOE magtumbok sa mga lugar mga limitado o walay paagi nga makakuha sa Point of Sale systems, ug diin ang vouchers inay mga cards, maoy dawatan isip bayad.

Kini usab samtang ang DOE, wala moundang sa pagpangita og paagi nga mamenosan ang kalisud sa manakayay ug sa mga naa sa industriya sa panakayan, butyag ni Cusi.

Nanawagan usab si Cusi, sa ngalan sa DOE, ngadto sa mga kaabag nga kompanya sa lana, nga maghatag sila sa diskwento ngadto sa mga pangpublikong sakyanan, gawas pa sa ilang mga corporate social responsibility projects.  

Kini usab nga panawagan, miresulta na sa Memorandum of Agreement tali sa kagamhanan ug sa Petron, Shell ug Phoenix Petroleum," dugang ni Cusi.

Alang sa mga ahensya nga kauban sa pagpatuman sa Pantawid Pasada, gipasalig usab niya nga andam sila nga mo-abag sa mga panginahanglan aron magmalampuson ang pagpatuman sa programa sa fuel subsidy.

Gidugang pagpasalig ni Cusi ngadto sa publiko nga ang DOE dili mopahuway sa pagpangita og paagi aron makahatag og tabang ngadto sa sector sa panakyanan.

Kauban sa DOE sa Pantawid Pasada Program ang Department of Transportation, Land Transportation Franchising and Regulatory Board, Department of Finance, DBM ug  ang LBP. (rahc/PIA-7/Bohol)

Ang Pantawid Pasada pormal na nga ipatuman human malagda-I sa unom ka mga ahensya ang patakaran sa pagpatuman sa fuel subsidy nga programa sa kagamhanan. Dinhi makita nga milagda usab sila LTFRB Chair Martin B. Delgra III, DOTr Sec. Arthur P. Tugade, DBM Sec. Benjamin E. Diokno, LBP President Alex V. Buenaventura, ug DOF ASec. Antonio G. Lambino II. (DOE)