Gobyerno, nitakda og mas ubos nga singil
sa mga tawag ug text tali sa mga telcos
TAGBILARAN CITY, July 20 (PIA)--Nitakda na ang gobyerno
og mas ubos nga singil sa tawag ug text tali sa mga telecommunications company.
Sa
bag-ong Memorandum Circular No. 05-07-2018,
gimanduan sa National Telecommunications Commission (NTC) ang mga telcos
nga kunhoran ang interconnection rates o singil sa mga tawag ug text messages.
Base sa maong memorandum, gimando sa NTC nga ang interconnection charges
kunhoran og P0.50 matag minuto alang sa voice service o sa tawag ug P0.05 matag
SMS o text message.
Sa wala pa kining direktiba, ang interconnection rates sa mga
telcos P2.50 matag minuto sa voice service samtang P0.15 alang sa text message.
Ang bag-ong rates mahimong epektibo kinse
ka adlaw human imantala ang maong memorandum sa mga pahayagan ug mahatag ang
kopya sa University of the Philippines Law Center.
Ang dili pagsunod sa maong kamanduan adunay tukmang
silot.
Si NTC Deputy Commissioner Edgardo Cabarios nagkanayon nga walay nisupak
sa mga telcos sa maong kamanduan apan nihangyo sila nga kun mahimo, sa
duha ka tuig una kini ipatuman.
Tuyo sa maong kamanduan nga matabangan ang mga subscribers. (ecb/PIA7-Bohol)
No comments:
Post a Comment