SSS miawhag sa mga may wala na
kabayri nga huwam: apply sa LRP
TAGBILARAN
CITY, July 12 (PIA)—Giawhag sa Social Security system (SSS) kadtong mga sakop
nga may mga utang nag wala na kabay-ri nga dili palabyon ang kahigayunan nga
malimpyo og balik ang nindot nga record sa SSS.
Pinaagi
sa SSS Loan Restructuring Program (LRP), mahimo na nga papason sa SSS ang
penalidad nga natangag sa panahon nga ang utang wala kabayri, mahayag sa SSS.
Pinaagi
sa SSS LRP, malimpto na ang mga wala kabayri nga huwam gikan sa principal
nagdto na sa interes, ug tangtangon na ang natigum nga mga multa sa wala
pagbayad niini, segun pa sa mga opisyal sa SSS.
Dugang
niana, pinaagi sa LRP, mahimo nga ikabalik ang maayong record isip membro sa
SSS u gang labing nindot, mahimo na usab nga matagamtam ang kinatibuk-an nga
benepisyo ug pribilihiyo sa SSS, dugang nila.
Amg
LRP, gibuksan niadtong Abril 2 ug molanat hangtud lamang sa Oktubre 1, 2018,
mao nga kinahanglan nga dili na maglangan, sugyot sa SSS.
Sa
ilang gitanyag nga loan restructuring, mikabat na sa P1.31B ang nahipos sa SSS
sulod sa tulo ka buwan pa nga pagpatuman sa LRP implementation.
Matud
ni SSS President ug Chief Executive Officer Emmanuel F.
Dooc, ang programa mipapaw na sa P3.35 bilyones nga bili sa mga multa gikan sa
200,960 ka mga mi-apply sa ilang LRP gikan sa Abril hangtud sa katapusan sa
Hunyo.
Dugang
ni Dooc nga sa paglusad sa sa LRP niadtong Abril, ilang gitantya nga mga
200,000 ka sakop nga may huwam ang ilang kaserbisyohan.
Apan,
sa tulo ka buwan pa lamang, 250,000 na ka sakop ang naalagaran, ug may lain nga
tulo pa ka buwan ang mapaabut hangtud taposon na sa SSS ang tanyag.
Mao
nga giwahag ni Dooc ang mga sakop nga may wa kabayri nga huwam nga mopailawom
sa programa sa dili pa ang Oktubre 1, tungod kay namatud-an na sa kadaghanan
nga dako ang gikatabang sa programa pagpagaan sa gibati sa mga sakop.
Maapil
sa LRP ang mga wa kabayri nga Salary Loan, Emergency Loan, Educational Loan
(old), Study Now Pay Later Plan, Voc-Tech Loans, Y2K Loans ug Investments
Incentive Loan.
Aron
makapailawom sa LRP, kinahanglang ang loan nakaabut nag 6 ka buwan nga wa
kabayri gikan sa Abril 2, u gang magpa LRP nanimuyo sa lugar nga naa sa
kalamidad sa panahon sa pagloan.
Hinuon,
kadtong mga sakop nga nahatagan nag final benefit claim sa unang LRP ug kadtong
mga sakop nga may salaud nga pagpangilad sa SSS, dili na madawat sa programa.
Aron
makapailawom niining LRP nga may penalty condonation, ang mga sakop nga may
huwam kinahanglang mosubmitor sa gi-fill up nga application form, Letter of
Authority (LOA) kon ang mopasa lain nga tawo ug dili mismo ang may huwam, ug
valid nga identification cards.
Gani,
matud ni Dooc, modawat ang SSS bisan og scanned nga kopya sa LOA nga gipadala
sa email bisan pag dili ang may huwam ang mo-apply.
Hinuopn,
ang authorized representatives kinahanglan nga moduso sa kopa sa email request sa
sakop nga may huwam, scanned nga copya sa LOA ug duh aka ID sa may huwam.
“Kinahanglan
usab ang tin-aw nga kopya sa email nga nagpakita sa address sa may huwam ug sa
address sa gisugo sa pag-apply,” pahinumdom ni Dooc. (rahc/PIA-7/Bohol)
AWHAG
SA SSS: Utang nga wala na kabayri? Ipailawom sa Loan Restructuring aron mapapas
ang mga penalidad ug mapapas na ang huwam. Pakisayud sa labing suol na buhatan
sa SSS. (PIABohol)
No comments:
Post a Comment