Syudad sa Tagbilaran, misaulog 

sa ilang ika-52 nga Charter Day 

TAGBILARAN CITY, July 2 (PIA)--Gisaulog sa syudad sa Tagbilaran sa pagpanguna ni Mayor John Geesnell Yap II ug Vise Mayor Jose Antonio Veloso ang ika-52 nga Charter Day niadtong Domingo, Hulyo 1. 

Gibuksan ang maong kasaulogan sa usa ka Santos nga Misa sa St. Joseph Cathedral sa Domingo sa buntag. 

Sa may alas 4 sa hapon, gipahigayon ang commemorative program didto sa City Hall Atrium ning syudad diin gitambonga usab kini nila Gob. Edgar Chatto ug Representante sa 1st Disctrict, Rene Relampagos. 

Sa maong programa gipasidunggan ang mga kawani sa syudad nga naka-alagad sulod sa 10, 15, 20, 25, 30 ug 35 ka tuig sa serbisyo ug lakip na usab sa mga ni-retirong kawani. 

Alang sa Mayor’s Special Award, nakadawat sa Centenarian Award sila Alejandra T. Briones ug Juana C. Lumantas. 

Samtang gipasidunggan usab ang mga honest o matinuoron nga indibidwal ug 32 ka tricycle drivers sa syudad. 

Alang sa Athletes of the Year Award, gipasidunggan silang Anfernee Lopena, Elien Rose Perez, Gabriel Manigque ug Jessel Mark Magsayo. 

Gipasiguggan usab sa syudad ang Top 5 Business Taxpayers nga mao ang: 1. Toyota Tagbilaran City; 2. Coca Cola Femsa Philippines, Inc.; Golden Arches Development Corporation; 4. Isuzu Bohol; ug 5. Dranix Distribution Inc. 

Samtang ang Top 5 Real Property Taxpayer Award nadawat sa mga mosunod: 1. Alturas Supermarket Corporation, Inc.; 2. Bohol Quality Corporation; 3. TBC Realty Development and Management Corporation; 4. Bohol Light Company, Inc. ug 5. SPC Island Power Corporation-BDPP. 

Gipasidunggan usab sa syudad og ‘Plaque of Gratitude’ silang Mardonio Roxas, Dr. Rosalinda Paredes, Rene Relampagos ug Gob. Edgar Chatto. 

Ang Tagbilaran nahimong chartered city niadtong Hulyo 1, 1966 pinaagi sa Republic Act. 4660. (ecb/PIA7-Bohol) 

Gitunol ni Tagbilaran City Mayor John Geesnell ‘Baba’ Yap II ang Centenarian Award sa 100 anyos nga si Juanita Lumantas atol sa kasaulogan sa ika-52 nga Charter Day Anniversary sa syudad niandtong Hulyo 1 didto sa City Hall Atrium, syudad sa Tagbilaran. (ecb/PIA7-Bohol)