Cusi: PNOC-EC magpalit og mas 

barato nga lana kontra inflation 

TAGBILARAN CITY, Bohol, August 13 (PIA)— Gimandu ni Energy Secretary Alfonso G. Cusi ngadto sa Philippine National Oil Company (PNOC) Exploration Corporation (EC) ang pag-import sa mas barato nga igsusugnod aron pugngan ang nagkahinay nga ekonomiya ug pa-us-oson ang mahal nga bili sa mga paliton. 

Kahinumduman nga ang PNOC-EC nakabaton na sa trading function niadtong milabay nga Disyembre aron makakangita kini og dugang ganansya alang sa kagamhanan. 

Matud ni Cusi, ang PNOC-EC mangita na og barato nga produktong petrolyo ilabi na sa krudo, aron pugngan ang epekto sa nagkabu-ang nga presyo sa lana sa international nga merkado. 

Milaum ang Department of Energy (DOE) nga sa maong lakang, may epekto kini sa pagpapresyo sa mga batakang panginahanglan ug magpacontrol sa inflation. 

Niini, ang resulta maa ang pagluag na sa mga presyo nga makatabang sa pagkubos sa kalisud sa mga konsumidor, saysay sa DOE. 

Ilawom sa nahisgutan nga lakang, ang trading nga gimbuhaton sa PNOC-EC gamiton sa pagpamalit sa baratohon nga igtutubil, nga makuha gikan sa pagpakigsabut tali sa mga kagamhanan sa gawas sa nasud. 

Ang PNOC-EC Board nga gipangunahan usab sa Energy Chief, sa pagka karon, naghipno na sa mga batakan aron mapahiluna ang trading procedures ug policy safeguards alang sa mga konsumidor kabahin sa gisugyot nga importation. 

Ang barato nga mapalit nga nga igtutubil, paliton sa espesyal nga bili sa mga konsumidor, tagdumala ug independente nga petroleum players pinaagi sa usa ka MOA. 

Tumong sa DOE subay usab sa lain nga MOA nga ila na nga gipatuman sa tanan nga oil companies dinhi nga ang ibaligya, mao lanag kadtong krudo nga Euro-II compliant aron makapanaug sa presyo sa igtutubil. 

Subay sa kasamtangan nga Philippine National Standards sa Diesel Fuel Quality ug ubay usab sa mga lagda sa Republic Act 8479, o ang Downstream Oil Deregulation Law, Republic Act 8749, o sa Philippine Clean Air Act, aron pagpakunhod sa epekto sa naga kamahal nga presyo sa petrolyo sa world market, ang tanang oil industry players gimandu-an na sa DOE nga bugtong ang ibaligya nga mga igtutubil, kadto lamang level Euro-II compliant automative diesel oil alang sa sektor sa panakyanan ug konsumidor sa industriya. 

Gimandu na usab sa DOE ngadto sa tanang oil companies nga nagtanyag og Euro-II compliant diesel sa pagsubmitir sa binuwan nga compliance report, nga nagtala sa mga listahan sa mga retail outlets nga nag-angkatan gikan kanila. 

Gipasabut ni Cusi, nga ang natumbok nga krudo, hugot nga imonitor sa DOE. (rahc/PIA-7/Bohol) 

Sa pagtugot sa PNOC EC nga mokompra sa barato nga diesel gikan sa gawas sa nasud, milaum si DOE Secretary Alfonso Cusi nga mobarato na usab ang batakang pagkaon, tungod sa epekto sa mas barato nga gitutubil. (rahc/PIA07/Bohol)