Tuesday, August 07, 2018

Gibantayang LPA, 
bagyong Karding na 

TAGBILARAN CITY, Aug. 7 (PIA)--Padayon nang nahimong Tropical Depression ang gibantayang Low Pressure Area (LPA) sa sidlakang bahin sa Aparri, Cagayan. 

Matud pa sa Philippine Atmospheric Geophysical and Astronomical Services Administration (PAGASA), dili mo-igo sa yuta ang bagyong gipangalanan og ‘Karding’. 

Katapusang nasigpatan ang bagyong ‘Karding’ sa gilay-ong 1,220 gikan sa sidlakang bahin sa Calayan, Cagayan nga may gikusgon sa hangin nga mokabat sa 55 kilometers per hour (kph) ug paghuros nga 65 kph. 

Samtang naa sa 420 kilometro usab ang gilay-on sa usa pa ka LPA sa kasadpang bahin sa Subic, Zambales. 

Gipaabot usab nga pakusgon sa bagyong Karding ug usa pa ka LPA ang Hanging Habagat (Southwest Monsoon) nga magdala og kasarangan hangtod sa kusog nga pag-ulan sa amihanang bahin sa Luzon ug kasadpang bahin sa Central Luzon sugod sa Biyernes, Agosto 10. (ecb/PIA7-Bohol)

No comments: