Ibta sa saksakan ang

Patay nga appliances 

TAGBILARAN CITY, Bohol, August 20 (PIA)—Ayaw pasagdi nga nagpabilin nga nakasaksak ang imong appliance bisan pa og naka standby mode kini. 

Kini maoy pahinumdom sa Department of Energy (DOE) ngadto sa mga konsumidor aron makadaginot sa koryente, subay sa ilang e-safety mo campaign. 

Kini, tungod kay matud pa sa DOE, basta nakasaksak gihapon ang appliances sama sa TV, charger sa telepono, stereo component, cable box, ug mga amplifiers, duna’y gitawag og standby power, o usahay tawgon nga vampire power o phantom load nga padayong gamiton sa mga nahisgutang appliances. 

Ang ghost load o phantom load nagpasabut sa padayon nga koryente nga gikonsumo sa mga electronic ug electrical appliances bisan pag gi-off na kini. 

Kining mga nahisgutang nga appliances ug uban pa sama sa power adoptors, padayon pang mokonsumo sa koryente. Adunay gitawag og standby mode, mao nga bisag pag naka-off apan wala maibot sa saksakanan, moka-on pa gihapon og koryente, pahimangno sa ahensya. 

Ang standby power usa ka koryente nga gigamit sa mga appliances ug kahimanan nga bisan pag gi-off na kini ug wala mag-andar segun sa iyang desinyo nga trabaho, ug nagpaabut ra nga mapindot ang remote controller mao nga nag-tukaw kini. 

Aron malikayan ang phantom load, mas maayo nga ibton kini sa saksakanan, tambag sa DOE. 

Ang mga appliances og himan electrical ug electronic nga naka-standby mode, mogamit og koryente nga imohang bayaran, ug bisan unsa ka gamay, kon daghan kini sa balay, makatabang pagpalobo sa balayranan. 

Ug sanglit ang koryente namugna pinaagi sa pagsunog sa mga carbon o hydro carbons, ang pagsunog niini magbuga gihapon og mga dautan nga substances sama sa carbon dioxide nga makahugaw sa kalikopan. 

Sa nagkadako nga koryente nga magamit, ang uban niini gikan sa phantom load, magkinahanglan usab og mas gastoso nga pagpahimutang sa power stations, power transformers ang mga kompanya nga nagpakutay niini, nga kinahanglang pundohan og ang bili, ipasa lang usab sa konsumidor. 

Dugang pa, sa mga standby nga gamit ug appliances, kini kina-ingnan sa pag-init sa gamit nga magkinahanglan na usab og pagpabugnaw nga usahay magpatrabaho sa cooling devices niini ug makasugod sa sunog. (rahc/PIA-7/Bohol)

Dili gyud nga walay korente magamit kon nagpabilin nga nagsaksak ang appliances, busa tangtangon kini sa saksakan aron makadaginot sa bayranan. (rahc/PIA-7/Bohol)