Kupo nga tanod sa Danao: bag-ong
produkto’ng ikagasa gikan sa Bohol
TAGBILARAN
CITY, Bohol, July 31 (PIA)—Gikan sa kinaraang nga kahibaw sa pagpanghabol o
pagsibit sa mga lanot nga tinangkis gikan sa buli, may bag-o na usab nga
produkto ang Bohol: hinabol nga tanod sa nagkadaiyang bulok.
Didto
sa labing bag-o nga Sandugo Regional
Products Showcase nga giapilan sa 176 ka product exhibitors gikan sa 11 ka rehiyon sa Pilipinas, nakig-ambas
na sa mga kinamot-pagtagik-nga-hinabol- tanod ang mga shawls o mga kupo nga
ginama sa mga taga Cabatu-an Loomweavers Multi-Purpose Cooperative (CLMPC)
sa Danao Bohol.
Mga
colorful nga mga kupo, ang mga ginama sa Cabatu-an LMPC, mao lamang ang bugtong
produkto nga ingon niadto nga mugna sa mga Bol-anon, sapagka karon, butyag ni
Blair Panong, CARP coordinator sa Department of Trade and Industry (DTI).
Matud
pa ni Cabatu-an barangay chairperson Gloria Duavis, nakakuha sila og bansay
gikan sa DTI sa paghabol, human usab nila makuha ang 21 ka hagbanan (loom
weaving machines) gikan sa pundo sa Department
of Social Welfare and Development (DSWD).
Gipundar
usab aron mamahimong Shared Service Facility (SSF), ang pasilidad ipadagan sa
DTI kinsa magdala sa uban pang mga bansay aron gamhan ang mga molupyo sa lugar
sa pagbaton og katakus ug dugang abilidad sa pagdesinyo sa mga hinabol.
Apan
sanglit may kahibaw na nga daan ug kon magsugod sa paghabol, makig-ambas sa
silingan nga barangay sa Taming, nahukman nga ang ilang sundon, ang bag-o nga
matang sa paghabol: paggamit sa tanod inay ang lanot sa buli o raffia, saysay
ni Duavis, kinsa usa usab sa mga opisyales sa Agrarian Reform Community didto.
Gibuhi
ang abilidad sa mga taga Danao sa paghabol, tungod kay sa kasaysayan, duna nay
tighabol dinhi, matud ni Malou Cosare, 49 anyos nga kanhi manager sa usa ka
hagbanan sa Tubigon Bohol.
Gipadala
sa DTI si Cosare sa Danao aron magbuhi sa nahikatulog nga katakus sa paghabol,
ug didto na naminyo.
Dugang
ni Cosare, uban ni Mayor Natividad Gonzaga, gipasugdan nila ang pagbansay sa 21
ka mga tighabol sa Cabatu-an sa tumong nga makahimo og lahi pa nga produkto kay
sa hinabol nga raffia.
Gawas
sa tighabol, may lain usab nga mga tighimo sa mga materyales nga himoonon, ug
kini lain nga kabuhi-an usab sa mga taga didto, butyag ni Cosare.
Matud
ni Merlinda Arsenio, dako og gikatabang ang paghabol sanglit daghan na nga mga
kababayen-an sa ilang barangay ang nakakita og dugang kita sa paghimo og mga
kupo gikan sa mabulokon nga polyester threads.
Tulo
ka kupo ang mahimo sa usa ka tighabol sa
matag adlaw, ug molimpyo na sila og P300 gikan niin, ug dako na kini og tabang
sa mga taga Cabatu-an, matud ni Duavis.
Kon
may koryente pa unta, basig makahimo pa og mas daghan, dugang ni Duavis, kinsa
naglaum usab nga makapangita og tinubdan sa pagpasuga sa ilang hagbanan nga naa
mahimutang sa usa ka building sa Santa
Clara sa ilang barangay.
Mga
kupo nga gibaligya nila sa tag P250 ang usa ang tanyag sa CLMPC didto sa
Sandugo Regional Products Showcase nga gibuksan sa DTI didto sa Block sa Island
City Mall ning bag-o lamang.
Produkto
nga nakit-na na usab ang potensyal karon sa mga souvenir stores, ang kupo nga
tanod sa Danao nagpaabut usab nga mamahimong produktong ikapasigarbo sa
Bohol. (rahc/PIA-7/Bohol)
No comments:
Post a Comment