Pangutana kabahin sa SSS 

Mabasa sa mga info kiosks 

TAGBILARAN CITY, September 27 (PIA)—Alang sa mga buot masayud sa kaayohan kon may mapundar nga mahikap sa panahon sa tingbitay, ipahiluna sa Philippine Information Agency ang mga tinubdan sa kasayuran kabahin sa Social Security System (SSS) dinha sa mga information kiosks. 

Gipasabut sa PIA pinaagi sa ilang local nga tinugyanan sa Bohol nga ang information kiosks butanagn sa mga ahensya sa kagamhanan sa mga basahon nga mahimong kakuhaan sa katawhan sa mga kasayuran kabahin sa kaayuhan kon mahisakop sa SSS. 

Dinhi sa Pilipinas, nahimo na nga pugos ang pagparehistro sa mga trabahante sa pribadong sector, sa SSS, aron usab may kadunggu-an ang mga hingtungdan sa panahon sa kalisud. 

Kon ang mga empleyado sa gobernor may Government Service Insurance System (GSIS) nga manubag kon ang empoleyado masakit o may kinahanglan nga tabang, gipahimutang usab sa kagamhanan ang SSS alang sa pribadong sector. 

Matud ni SSS Bohol Officer in Charge Aleta Basubas, buot nila nga maabut ang mga ordinaryong mamumuo sa pribado nga sector, nga nang-empleyo aron ikapadangat ang serbisyo ug kaayuhan kon mahisakop sa SSS. 

Samtang ang mga nang-empleyo sa pribadong mga kompanya, milaum nga nag diniyos ang ilang mga amo sa pagkuha og dtyutay nga pahat sa ilang sweldo aron ihulog sa SSS, may mga amo usab nga mipalta sa pagbayad sa SSS bisag pa og mibayad na ang empleyado. 

Gani, matud pa sa mga taho, mahimong mas daghan pa nga trabahante mismo sa goberno ang walay gipahimutang nga kasegurohan kay wala mahisakop sa SSS. 

Kini tungod kay ang ilang mga tagsa-tagsa ka mga munisipyo wala pa usab makatugkad sa rason nganong pangandaman sa usa ka tawo ang panahon sa tinglisud. 

Kini ug uban pa nga mga pangutana ang dili na maatul og pangutana sa mga trabahante sa Bohol. 

Dili usab ikalimod nga ang Buhatan sa SSS, tungod sa kadaghan sa giatiman niini, dili na makaatul og tubag sa tanan nga buot makisayud kabahin sa pagpasakop sa SSS. 

Agi og pagtubag niini, ang PIA nga nakigtali sa SSS, magpahimutang sa mga information kiosks sa pipila ka kalungsuran sulod sa tag duha ka semana aron may duol nga mabasa nga kasayuran kadtong buot masayud kabahin sa mga benepisyo sa pagpasakop sa SSS ug ubang pribilihiyo sa mga sakop niini. 

Karong sunod nga semana, ang SSS information kiosks adto makit-an sa merkado sa Jagna ug sa merkado sa Talibon. (rahc/PIA-7/Bohol) 

Gibuksan ni SSS VP for the Visayas Atty. Alberto Montalbo ang unang SSS PIA Info kiosks nga maoy butangan sa mga kasayuran kabahin sa benepisyo kon magpasakop sa SSS ang usa ka trabahante. Ang info-kiosks molibot sa tibuok kalungsuran sa Bohol subay sa kampanya sa SSS nga kahatagan nag kapadulngan kadtong mga mamumuo nga makasinati og pagsuway sa kinabuhi. (rahc/PIA-7/Bohol)