NGCP power outage sa Sabado

Mayo 24, BOHECO 1 apektado

TAGBILARAN CITY, Bohol, (PIA)--MANGANDAM alang sa naka skedyul nga pagpawong sa serbisyo sa koryente karong Mayo 24, 2025.

Segun sa National Grid Corporation of the Philippines (NGCP) pinaagi ni information officer Michael Ligalig, nga may pipila ka parte sa Bohol ang maapektohan.

Nianang adlawa, Ang Bohol Electric Cooperative I (BOHECO I) magpahigayon sa ilang substation upgrading sa Macaas ug Sagasa Substations diin magpatesting sa pagpasupply sa substations sa alas 6am - 7am ug alas 4:30pm - 6pm o mahimong mas sayu.

Nunot niini usab, ang BOHECO I substations sa Cortes, Catagbacan ug Maribojoc pawngon pa usab sugod alas 6am ngadto sa alas- 6 pm o mahimong masayo.

Matud sa NGCP, ilang gipaabut nga mapahibaw usab sa mga apektado nga distribution utilities Ang schedules kanus-a mapagngan og suga ang ilang mga tumbok nga apektadong lugar.

Hinuon, gipasalig sa NGCP nganilang himoon taman sa mahimo, nga ipahiuli ang serbisyo sa mas Dali nga panahon. (PIABohol)