10 Kg bugas sa job-order workers

ceremonial turn-over sa Kapitolyo

TAGBILARAN CITY Bohol (PIA)— Agi og pagtagad sa mahinungdanon nga trabaho nga gibuhat sa mga job order workers, dyutay nga alibyo sa kalisud ning panahon nga nagsaka ang presyo sa mga paliton ilabi na sa pagkaon, diha nga may tag 10 ka kilo nga bugas ang gitunol sa Administrasyon ngadto sa mga job order workers sa Kapitolyo.

Sa ilang kahimtang nga dili regular nga trabahante ug walay security of tenure, gitumong sa Kapitolyo ang paghatag sa dinali-an nga pabor ngadto sa mga trabahante nga dili ikaparang ang sweldo sama mga regular kon iapil og kwenta ang benepisyo.

Ang mga job order workers nagseguro nga dili mabalda ang serbisyo nga gitanyag sa Kapitolyo latas sa mga nagkadaiya niining mandatus.

Sa ngalan sa Provincial Government sa Bohol (PGBh), si Gov. Aris Aumentado mismo ang nanguna sa mga opisyales sa Office of the Provincial Agriculturist (OPA), Provincial Economic Enterprise Management Unit (PEEMU), Provincial Human Resources Management and Development Office (PHRMDO), ug sa buhatan sa Gobernador (GO), sa seremonyas sa pagtunol sa rice assistance to job order (JO) employees atul sa flag raising ceremony May0 18, 2026.

Didto, 30 ka mga job order workers ang una nga mingdawat sa tag 10 ka kilo nga bugas, samtang sundan pa kini sa mga pagtugyan hangtud malukop ang tanan nga job order workers sa Kapitolyo.

Ang tanan nga job order workers makadawat sa upat ka tag 10 ka kilo nga bugas sulod sa duha ka buwan, ug human sa ceremonial nga pagtugyan, himoon na ang mga paghatag pinaagi sa mga departamento diin mahisakop ang trabahante.

“Atong hatagan og gamay nga kalipay ang atong mga job orders pinaagi sa paghatag og 10 kilos nga bugas,” dayag sa gobernador, samtang iyang gi-aghat nga magpadayon sa commitment nga molungtad sa suporta sa goberno nga nagpadagan usab sa iyang serbisyo nagdto sa katawhan. (PIAbohol)

DYUTAY NGA ALIBYO. Sa kawalay benepisyo nga madawat dili sama sa mga regular nga empleyado, tag 10 ka kilo nga bugas humay ka duha sa duh aka buwan ang gitanyag sa Kapitolyo nga dtutay nga alibyo sa panahon sa krisis. (PIABohol/PIMO)