Bohol, Cebu City nagpabilin

Sa single digit inflation rate

TAGBILARAN CITY Bohol (PIA)— Bohol na lang ug ang City of Cebu ang nagpabilin nga nag gunit sa single digit inflation rates sa mga lalawigan ug highly urbanized cities sa Central Visayas.

Kini maoy napadayag sa binuwan nga pagpadayag sa Philippine Statistics Authority sa inflation rates subay usab sa gipanid-an nga paglihok sa mga presyo sa 13 ka mga commodity groups nga sagad paliton sa mga katawhan.

Gani, segun sa taho sa PSA pinaagi ni Chief Supervising Statistician Jessamyne Anne Alcazaren, ang Bohol, sa 7.2 porsyento nga inflation, siya pa gihapon ang may kina-ubosan nga inflation rates sa Central Visayas kay ang City of Cebu naa na sa 9.4 porsyento.

Kahinumduman nga niadtong imaging buwan sa Marso, samtang ang Central Visayas mingtala sa average nga inflation rate sa 7.4 porsyento samtang ang Pilipinas anaa sa 4.1 percent and inflation, ang Bohol ang miangkon sa labing ubos nga inflation sa 4.5 porsyento.

Niadtong Marso, pulos single digits ang natala nga inflation sa mga lalawigan sa Bohol ug Cebu apil ang tulo ka highly urbanized cities.

Sunod sa Bohol ang City of Mandaue nga mingtala og 6.1, sunod ang Cebu City nga may 6.8, City of Lapu-lapu nga may 8.1 porsyento nga inflation samtang ang Cebu Province ang may labing taas nga inflation sa 9.1 porsyento.

Apan sa pagsulod sa Abril 2026, nag double digit na ang Inflation rate sa Central Visayas sa 10.8 percent samtang ang Pilipinas anaa sa 7.2 percent.

Ug ang Bohol nagpabilin nga may labing ubos nga natala nga inflation sa 7.2, sunod na ang Cebu City sa 9.4 porsyento.

Nag double digits na usab ang City of Mandaue sa 10.7 percent, City of Lapu-lapu sa 11.4 percent samtang ang Cebu province anaa sa 12.9 percent, segun sa PSA. (PIAbohol)