DOTr nipasidaan sa publiko batok sa mga scam

TAGBILARAN CITY, Bohol (PIA)—Gipasidan-an sa Department of Transportation (DOTr) ang publiko batok sa mga indibidwal nga nag-angkon nga mga opisyal sa DOTr ug naghimo og dili awtorisado nga mga tawag.

Base sa mga report nga nadawat sa departamento, usa ka fraudulent caller nga adunay mobile number 09694302055 ang nagpakaaron-ingnong DOTr Assistant Secretary Manuel Cabochan III ug nanawag aron mangayo og kwarta.

Gihatagan og gibug-aton sa DOTr nga ang mga opisyal ug empleyado niini dili gayud moapil sa maong mga buhat.

Matud pa nga ang mga opisyal nga transaksyon sa departamento gihimo lamang pinaagi sa pormal ug napamatud-an nga mga agianan.

Gi-awhag sa DOTr ang publiko nga magpabiling mabinantayon ug i-report dayon ang susamang insidente sa commuter hotline sa departamento sa 09209643687.

Ang DOTr nakig-alayon na sa Philippine National Police Anti-Cybercrime Group (PNP-ACG), Department of Information and Communications Technology (DICT), ug uban pang hingtungdang ahensya aron matubag ang maong butang.

Alang sa dugang nga updates, ang publiko gitambagan nga mobisita sa DOTr official Facebook page https://www.facebook.com/DOTrPH. (ECB/PIA7-Bohol)

Gipahimangnoan sa Department of Transportation (DOTr) ang publiko ug ang mga kauban nga ahensya niini batok sa mga indibidwal nga nag-angkon nga mga opisyal sa DOTr ug naghimo og dili awtorisado nga mga tawag. (DOTr photo)