Inflation rate sa Abril

dinhi sa Bohol: 7.2%

TAGBILARAN CITY Bohol (PIA)—Mingpaspas ang pagki-at sa presyo sa mga nag-unang paliton sa Bol-anong banay gikan sa 4.5 porsyento sa buwan sa Marso ngadto na sa 7.2 porsyento, kini subay sa taho sa Philippine Statistics Authority (PSA) sa Bohol.

Ang inflation sa presyo sa Bohol hinuon, susama na sa inflation sa tibuok nasud nga naa sa 7.2 porsyento samtang ubos pa gihapon sa kinatibuk-ang Central Visayas nga ang inflation mingpatong na sa double digit sa 10.8 porsyento, gikans a 7.4 niadtong Marso.

Sa taho ni Bohol PSA Chief Supervising Statistician Jessamyne Alcazaren atul sa binuwan nga Inflation Data Dissemination, mibutyag nga ang paspas nga pagsibug sa inflation rate sa Bohol tungod sa mas paspas nga average sa usa ka tuig nga presyo sa mga prayoridad sa banay nga pagkaonug imnonon nga diuli makahubog ug sa panakyanan.

Matud ni CSS Alcazaren, dakiu ang pahat nga itagana sa panimalay sa presyo sa pagkaon ug ilimnon nga dili makahubog, apil na panakyanan maoy nagpalihok sa presyo.

Ang pagkaon ug ilimnon nga dili makahubog, gikan sa 3.7 porsyento niading Marso, 2026, mingsulbong ngadto sa 7.0 porsyento sa pagka Abril samtang ang sa panakyanan, gikan sa 16.5 porsyento sa imaging buwan, 25.3 porsyento na.

Namatikdan usab sa PSA ang paspas nga paglihok sa presyo sa pabalay, tubig, elektrisidad, gas ug ubang igsusugnod, kan-anan ug mga serbisyo sa kapahuwayan, panapot ug isul-ob sa tiil, mga gamit sa balay, personal nga mga gamit, ilimnong makahubog ug kalingawan.

Sa mga pamaliton, ang labing naka-apekto sa pagsibog sa preso mao ang panakyanan nga mikaon sa 40.3 porsyento nga pahat sa kita sa banay, paggkaon ug iminmong dili makahubog nga mikaon usab sa 37.5 porsyento sa kita ug tinigum u gang pabalay, tubig, suga, gas ug uban pang igsusugnod nga mikaon usab og 9.3 porsyento sa kinitaan sa matag banay.

Tungod niini, minsaka usab ang inflation sa pagkaon sa Bohol ngadto na sa 7.3 porsyento. (PIAbohol)

EPEKTO SA KAGUBOT SA KALIBUTAN. Sama sa nahitabo human ming-asdang ang Russia sa Ukraine niadtong Pebrero 2022 nga nakapagimok sa presyo, ang pagpamomba sa Israel ug Amerika sa Iran mao usab ang sinugdanan sa pagsibog sa dagan sa mga presyo, dayag ni PSA bohol CSS Jessamyne Anne Alcazaren. (PIAbohol)