Pag-TAGBO sa kinaiyang Bol-anon,

paghandum sa Int’l Museum Day

TAGBILARAN CITY Bohol (PIA)—Sa International nga adlaw sa mag Museo, usa ka gitagik nga mga kalihukan nga magpatagbo sa arte, kultural, musika ug bansay ang natiman-an, pinaagi sa National Museum Bohol.

Niining paspas nga dagan sa panahon, ug kawala nay higayon sa katawhan nga subayon ang mga gigikanan sa mga mahinongdanong mga bansay, kinaiya, panghunahuna, mithi ug diwa, gibuksan sa National Museum Bohol ang iyang ganghaan aron himoon ang museo nga pisikal nga lugar diin magkatagbo aron hiusahon ang katawhan nga nanga-bahin-bahin.

Karong adlawa, ang kultura, pagkamamug-naon, pagsuginlanay, musika, duwa, u gang mga inambitan nga mga kasinati-an nahiusa aron pahinumduman kita nga ang mga museo mao pa gihapon ang mga lugar aron masumpay ang tanan nga pagsabut sa us aka katilingban, segun pa sa mga tigpasiugda.

Kalihukan nga gi-ulohanan og Tagbo: A cultural Convergence for Unity and Understanding, gipahiluna sa National Museum Bohol ang ilang pangpubliko nga lugar alang sa pagkaon nga nagsangkad sa kinaraang sikwate gikan sa kakaw, kabkab ug suman, sa gikahidlawan sa kabataan nga ice-cream nga anaa sa karatela, taho ug sa cotton candy; didto usab ang us aka tigdebuho nga nagtanyag sa buhi nga pagdebuho sa dagway pinaagi sa caricature ngadto sa photobooth.

Ug samtang nagpadayon ang mga paduwa sa mga kabataan nga angay usab makasabut sa ilang mga kagikanan nga kinaiya, didto ang mga karaang duwa sama sa dama, pabitin ug kalingawan nga sayon masabtan sa mga kabataan.

Didto usab ang buhi nga pagkanta sa Bol-anong tighimog huni nga si Joseph Gara, mga balak ug tagik sa mga magbabalak ug magsusuwat nga sakop sa Kaliwat ni Karyapa.

Ang mga museo, kasagaran wala masabti nga mga pasilidad, ilabi na kay sa dugay na nga panahon, ang museo igo lamang nagpakita sa mga butang sa kasaysayan ugh also wala kini magpatagbo sa kagahapon ug sa iyang epekto sa mga kinaiya karon.

Hinuon, suka gibuksan na ang mga museo sa mas napaugmad nga kina-iya niini karon, ang museo nahimo na nga makahuloganon nga tulay nga angdugtong sa kagahapon ngadto na sa karon, paingon sa ugma. (PIAbohol)

NASIKWATE NA. Unsay sinugdanan sa sagad nga gilitok nga mga pulong nga nasekwati na? Ang paghimo sa sikwati taas nga proseso gikan sa pagsangag sa liso, pagdugmok sa sinangag, pag-alig-ig aro mawala ang panit, paggaling, paghulma ug pagpabantok sa,a ra sa gi-ayo-ayo og proseso aron mabati ang kapait, apan human sa pagtunaw sa init nga tubig diha sa baterol, mahimo gihapong lami-an. (PIABohol)