Thursday, November 15, 2018

Unsaon pagkuha 
Og PRN Sa SSS? 

TAGBILARAN CITY, Bohol November 14, (PIA)—Subay sa usa ka circular sa Social Security System (SSS) gipatuman na ang Electronic Collection System (e-CS) aron mas mapadali ug sayon nang makit-an kon nadawat na baa ng gibayad sa sakop niini. 

Pinaagi sa SSS Circular 2017-010, napasugod na niadtong Enero 16, 2018 ang SSS e-CS nga magpasihag na sa mga transaksyon sa SSS kay diha diha dayon, makit-an na nga maposte na ang binuwan nga hulogan sa sakop sa SSS, matud ni Michael Ian Mission, information Officer sa SSS.

Subay niini, kadtong individual nga mga sakop (sama sa Self-employed, Voluntary, ug OFWs), nahimo na usab nga gikinahanglang rekisitos sa pagbayad ang pugos nga paggamit sa Payment Reference Number (PRN) labi na kon magbayad sa binuwan o matag kwarter nga bayranan sa hain man nga payment center nga natahasan sa SSS sa pagdawat sa mga tansaksyones nga ingon niini.

Gani, aron mas mapasayon pa, mahimo na nga kuhaon ang PRN pinaagi sa online, sap ag log-in sa SSS account sa sakop, pasabut ni Mission. 

Ang SSS nagbukas na og My.SSS, usa ka pasilidad nga naa sa internet ug naa matan-aw sa SSS website : www.sss.gov.ph nga magtugot sa mga sakop sa SSS sa pagtan-aw sa ilang kontribusyon ug mga records sa ilang pagka membro, magtugot usab sa maghimo sa online transactions (sama sa pagfile sa loan o pahuwam o sa pagpoahibaw sa SSS nga ang sakop, manganakay na).

Gawas pa niana, sa My.SSS, makahimo nga usab ang sakop sa pagpahimutang sa mga gikinahanglang tuyo sa SSS sa paghimo sa appointments tali sa sakop ug sa sanga nga buhatan sa SSS nga ug sa pagpangayo og kopya sa mga records sa opisina sa SSS nga nag-alagad sa sakop. 

Mahimong makarehistro sa My.SSS? ang nga sakop sa SSS (employed, self-employed, voluntary, overseas Filipino worker (OFW) ug non-working spouse) nga may labing menos us aka buwan nga naposte nga kontribusyon.

Unsaon paghimo og online SSS nga account? Sunda kini:

I-type ang www.sss.gov.ph sa address bar sa imong browser, nga mahimong google chrome, Mozilla firefox ug uban pa. 

Kon mogawas na ang homepags sa SSS Website, tumboka ang button nga “Not yet registered in My.SSS?” nga naa sa tuo nga bahin sa screen. Dinhi, mogawas ang Online Member User Id Registration.

Sunod, butangi sa kasayuran kadtong mga blangko nga angayan butangan: SSS Number, Pangalan, Adlaw nga natawhan ug email address. Kinahanglan usab nga may buhi nga email account. 

Butangi usab sa pulong o mga letra nga mogawas, kini pagseguro nga tawo gayud ang nagrehistro.

Tumboka ang submit aron makapadayon. Human niana, may confirmation page nga ipakita nga magmandu kanimo sa pagtan-aw sa imong email account, ug tumboka ang link nga naa sa unod sa imong nadawat nga email.

Sunod, tumboka ang Payment Reference Number (PRN). Dinhi, Makita mon a ang imong PRN ug mga detalye isip sakop sa SSS, ug makit-an usab ang buwan nga bayranan u gang amount sa bayranan, base sa labing bag-o mong nabayad nga kontribusyon.

Kon gusto ka nga may mabitbit nga Statement of Account (SOA), pinduta ang print nga magpatik usab sa SOA sa format nga PDF.

Kini karon nga kopya ang itunol sa SSS teller o sa payment center. 

Dugang ni Mission, kon buot mong usabon ang bayranan sa kontribusyon ug buwan nga bayranan: pananglit kon buot nimo nga padak-an ang kontribusyon o buot kang unhan og hagbong ang kontribusyon ngadto sa us aka tuig pananglit, tumboka ang Edit SOA.

Dinhi, ipuli ang buot mong bayran nga bayranan ug usabon ang lanat sa mga buwan nga bayranan. 

Human niini, i-Save ug unya ipatik (Print) ang Statement of Account, ug kini maoy ipakita sa SSS Teller o sa Accredited SSS Payment Partner, panapos ni Mission. (rahc/PIA-7/Bohol)

No comments: