MARINA, nipasidaan sa publiko batok sa 

mga nigamit sa pangalan ni Admin. Guerrero 

TAGBILARAN CITY, Mayo 18 (PIA)--Nipasidaan ang Maritime Industry Authority ngadto sa mga seafarers, shipping companies ug operators kalabot sa mga indbidwal nga nigamit sa pangalan ni MARINA Administrator Rey Leonardo Guerrero. 

Sa gipagawas nga abiso sa MARINA, giingong nakaabot sa buhatan ni Guerrero nga may mga nigamit sa iyang pangalan sa ilegal nga mga buhat. 

Giingong partikular nga ginahimo niini ang mangayo og pabor, solicitation, ug uban pang monetary considerations sa mga shipping company ug maritime entities. 

Gihangyo sa MARINA ug sa Department of Transportation (DOTr) ngadto sa publiko nga mahimong magbinantayon ug isumbong dayon kun may mahibaw-an nga nagbuhat niini. 

Sa mga gustong mosumbong, mahimong motawag sa (02) 523-9078, 526-0971, 524-2895 o 0939-9369820 o di kaha magpadala sa ilang e-mail sa oadm@marina.gov.ph. (ecb/PIA7-Bohol).