PBBM, gidayeg ang mga magtutudlo

sa ilang bililhon nga serbisyo sa nasud

TAGBILARAN CITY, Bohol, October 5 (PIA)--Gipasalamatan ni Presidente Ferdinand “Bongbong” Marcos Jr. adlaw’ng Miyerkoles ang mga magtutudlo sa tibuok nasud sa ilang bililhon nga serbisyo sa nasud, ilabina taliwala sa pagbalik sa limitadong face-to-face classes.

Sa iyang mensahe sa National Teachers’ Day, giawhag ni Marcos ang mga Filipino sa pag-ila sa mga sakripisyo sa mga magtutudlo sa pag-umol sa mga estudyante ug pag-andam kanila sa pagkab-ot sa ilang mga pangandoy.

“This is also a good opportunity to express our sincerest appreciation for their invaluable service to the nation as we safely reopen our schools and bring forth a new era of learning amidst the post-pandemic world (Kini usa usab ka maayong higayon aron ipahayag ang among kinasingkasing nga pagpasalamat sa ilang bililhon nga serbisyo sa nasud samtang luwas nga gibuksan nato ang mga eskwelahan ug nagdala og usa ka bag-ong panahon sa pagkat-on taliwala sa post-pandemic nga kalibutan)," matud pa sa Presidente.

Gihulagway niya ang edukasyon isip “the bedrock of every prosperous society” o ang pundasyon sa matag mauswagon nga katilingban, nga naghisgot kung giunsa ang mga magtutudlo nagsilbi nga “important drivers of our nation.”

“Today, we honor our dear educators across the country for ensuring our youth’s holistic development as they aspire to be agents of change within their respective communities and beyond (Karon, atong gipasidunggan ang atong minahal nga mga magtutudlo sa tibuok nasud alang sa pagsiguro sa kinatibuk-ang kalamboan sa atong mga kabatan-onan samtang sila nagtinguha nga mahimong mga ahente sa pagbag-o sulod sa ilang tagsa-tagsa ka komunidad ug sa unahan," dugang pa sa Presidente.

Si Marcos mipadayag og pagsalig nga sa tabang sa mga magtutudlo, ang nasud molambo nga mas lig-on uban sa matag Filipino nga mahimong mas makahimo sa pagtukod og mas maayong kaugmaon alang sa tanan. (ecb/PIA7-Bohol)

Sa pagsaulog sa National Teachers' Day, si Presidente Ferdinand R. Marcos Jr. nagpahayag sa iyang pasalamat sa mga magtutudlo sa nasud ug miila sa ilang kritikal nga papel sa pagsiguro sa usa ka maayong kaugmaon alang sa tanan samtang sila nagtinguha nga mahimong ahente sa pagbag-o sulod ug sa unahan sa ilang tagsa-tagsa ka komunidad.