Unregistered SIM cards, awtomatikong

ma-deactivate na sa 12:01 sa Abril 27

TAGBILARAN CITY, Bohol, April 12 (PIA)--Subling nipahinumdom ang Department of Information and Communications Technology (DICT) nga ang wala pa narehistrong SIM cards awtomatikong ma-deactivate paghidangat sa 12:01 sa Abril 27.

Gipahinumdoman ni DICT Undersecretary Anna Mae Lamentillo ang publiko nga ang katapusang adlaw sa pagparehistro sa SIM card sa Abril 26 na.

Base sa pinakaulahing datos sa departamento, naa sa 64.1 milyong SIM cards pa lamang ang nakarehistro sa tibuok Pilipinas.

Dugang pa ni Lamentillo, wala pay pinal nga desisyon sa posibleng pagpa-uswag sa panahon sa pagparehisto sa SIM card.

Kinahanglan og usa ka balaod ang pagparehistro sa tanang aktibong SIM aron makatabang nga mawala ang mga scam nga nikatap karon sa atong nasod.

Libre lamang ang pagparehistro sa mandatory subscriber identity module (SIM) card. (ecb/PIA7-Bohol)

Gipahinumdoman ni DICT Undersecretary Anna Mae Lamentillo ang publiko nga ang katapusang adlaw sa pagparehistro sa SIM card sa Abril 26 na. (ecb/PIA7-Bohol)