20 ka kandidata sa Miss Bohol

Sandugo, gipadayag sa media

TAGBILARAN CITY, Bohol, June 13 (PIA)--Human sa upat ka tuig nga pagkawala, mahibalik na ang kalingawan sa pagkaplag sa Miss Bohol Sandugo 2023, kini maoy gipadayag ni Congresista Vanessa Aumentado, didto sa Sashing Ceremony ug Public Presentation sa 20 ka mga kandidata alang sa titulo.

Dala sa kakuyaw sa pagtapoktapok tungod sa pandemya, temporary nga gihiklin una ang pagpahigayon sa Miss Bohol Sandugo, hangtud nga nahukman nga luwas na ang pagpatapok og balik human may igo nan ga panalipod ang katawhan batok sa pagtakod sa sakit.

SiKongresista Aumentado, kinsa maoy Executive Director sa Miss Bohol Sandugo 2023, ug maoy Misaka sa pwesto isip Miss Bohol niadtong 2001, mipaambit nga nahibalik na siya sa iyang gilibutan isip Miss Bohol ug karon mao nay executive director.

First Runner Up si Vanessa Cadorna, ang Miss Duero kaniadto, apan sa kalukian nga dili na kaya sa Miss Bohol ang magbuhat sa iyang gipanaarang buluhatan isip ambassadress sa Bohol, gitanyag niini ang korona kang Cadorna.

Ang 20 ka mga kandidata alang sa Miss Bohol Sandugo 2023 mao sila: Jennifer Curiba sa Alicia, Nina Luz G. Makinano sa Anda, Julianna Pearl J. Ayco sa Antequera, Jaenine D. Carulasan sa Baclayon, Mel Rose C. Oliverio sa Batuan, Girlee Joy B. Melencion sa Buenavista, Niane Mae M. Dante sa Corella.

Marielle Frances Ramos sa Dauis, Gwenefer A. Cagata sa Dimiao, Desiree B. Gerenia sa Duero, Marvi Love Bacullo sa Guindulman, Apple Mae D. Anoma sa Inabanga, Roseanne P. Salas sa Jagna, Trishia Marie C. Libres sa Lila, Lunica Mae R. Logronio sa Loon, Shiela Marie T. Fraser sa Panglao.

Kyra Rei D. Hopkins sa Tagbilaran, Rose Jane R. Israel sa Trinidad, Mia Lei Z. Mateo sa Tubigon ug Antonette C. Tagud sa Valencia.

Sa press presentation, gipili sa mga sakop sa media ang Tulo ka mga kandidata nga mipakita og kamaayo nga manubag sa inter-aksyon sa media.

Sila si Miss Panglao, Miss Trinidad ug Miss Tagbilaran.

Hinuon, dili pa kini mao ang basehan sa indigay sa kaanyag ug kalantip sa hunahuna atul sa pagenat night.

Matud pa sa mga tigpasiugda sa Miss Bohol Sandugo, ang makoronahang Miss Bohol Sandugo makadawat og P300K nga bili sa pundo alang sa giadbokasya nga proyekto, ang First Runner Up may P200K nga pundo ug ang Second Runner Up may P100K nga bili sa pundo. (PIABohol)

NAGDALA SA GARBO SA KALUNGSURAN. King 20 ka mga batan-ong mga dalaga maoy mag-indigay sa kaanyag ug kalantip sa hunahuna aron pillion nga Miss Bohol Sandugo 2023. Pormal na sila nga gipadayag sa media alangs asunodsunod nga mga kalihukan nga mopadangat kanila ngadto sa pageant night ug koronasyon. (PIABohol)