Job order, casual self employed

Nga sakop sa SSS, may EC na

TAGBILARAN CITY, Bohol, June 6, (PIA) –Mahimo na nga makakuha og employees compensation (EC) ang kadtong mga sakop sa Social Security System (SSS) nga self employed.

Kini maoy kasayuran nga gipaambit ni SSS Vice President for the Visayas Atty. Alberto Montalbo, didto sa hamubo nga press conference human ipahigayon ang Run After Contribution Evaders (RACE) nga operation sa miaging semana.

Kini usab bisan kog daghan pang local government units nga nagtinir og mga casual ug kontratuwal workers nga wala intawon maapil sa Government Service Insurance System (GSIS) ug wala usab ipailawom sa SSS, bisan pa man sa gilagda sa balaod.

Wala may employer-employee relationship ang mga casual ug contractual job order workers, dili sila mahimo nga isulod sa GSIS, apan pinaagi sa pagka self-employed, mahimo silang magpasakop sa SSS, kana kon mopirma ang LGU nga maoy mahimong katimbang sa SSS sa ilang Kaltas Collect program.

Niini, ang LGU na, kinsa mao usab ang nagpahiluna sa pagkaltas sa mga deductions sa suholan sa mga empleyado, mao na usab ang magpahiluna sa tampohan sa empleyado alang sa iyang pagka asakop isip self employed subay sa SSS MOA sa LGUS.

Ang usa ka self-employed worker, kadtong trabahante nga nahilambigit sa patigayun, negosyo o trabaho, nga walay relasyon sa iyang employer o walay employer, mikita og labing menos P2,000 matag buwan sa iyang trabaho, ug kinahanglan nga wala pa mag 60 anyos sa labing una niya nga hulog sa binuwang hulogan nga may initial coverage.

NIini, matag piso nga hulog sa nahisakop na nga casual, o job order nga empleyado, may makuha siya nga benepisyo sa higayon nga iyang gikinahanglan.

Once a member, always a member, pasabut usab ni Engr Alieta Basusbas, kabahin sa kwarta nga ikahulog sa empleyado nga dili regular.

Ug kay masakop na sa SSS, otomatik na usab siya nga makadawat sa benepisyo sa Employees Compensation Corporation (ECC).

Sa EC Program, ang usa ka self-employed nga sakop sa SSS makadawat usab og benepisyo sama sa pagkawala nay pangita, medical benefits, carer’s allowance, rehabilitation services, sa higayun nga masakit o makabagat og aksidente basta kay nahilambigit sa paghimo sa trabaho.

Mahimo nga sa pagpa-ingon sa trabaho, sulod sa trabaho-an o pagpauli gikan sa trabaho, nakabagat og aksidente, ang nahisakop nga job order o casual nga trabahante, makakuha nag benepisyo nga lahi pa usab sa benepisyo nga makuha sa SSS kon makahatag na kini sa binuwang hulogan. (PIA-7/Bohol)

JOB ORDER, MAY HINABANG NA USAB. Basta mahisakop lang sa SSS isip self employed, kon madisgrasya paingon sa trabaho, masakit o maaksidente sa trabaho, may EC na nga madawat sa matag P10 nga binuwang hulogan, matud ni Engr Alieta Basubas, kinsa nakigatubang sa media uban ni SSS Visayas Vice president Atty Alberto Montalbo. (PIAbohol)