Wala nay lugway sa deadline

sa pag-file sa SOCE – Comelec

TAGBILARAN CITY, Bohol, June 8 (PIA)--Ang Commission on Elections (Comelec) niadtong Miyerkules niingon nga dili na sila mohatag og extension sa deadline sa pag-file sa statements of contributions and expenditures (SOCE) sa mga kandidato ug political parties.

Ang chairperson sa Comelec nga si George Erwin Garcia nihimo sa maong pamahayag human nigawas ang 19 ka pahina nga desisyon sa Supreme Court (SC) en banc sa Comelec Resolution No. 10147 ang gipagawas, nga nagdeklarar sa resolusyon nga “void.”

Gitugotan sa Comelec resolution ang paglugway sa deadline sa pag-file sa SOCE niadtong 2016.

“No extensions from now on all our deadlines, except in highly meritorious circumstances,” matod niya sa mga tigbalita sa mensahe sa Viber.

Ang tigpamaba sa Comelec nga si Rex Laudiangco nipadayag og pagtamod ug pagsunod sa desisyon sa SC.

“As Comelec had consistently done, we will abide and comply with the decision of the highest court,” matod niya sa mensahe sa Viber.

Ubos sa balaod, ang SOCE ipasaka sulod sa 30 ka adlaw human sa adlaw sa piniliay.

Apan ang SC nagkanayon nga gitugotan sa Comelec ang paglugway sa deadline sa pagsumitir sa SOCE human sa 2013 ug 2010 eleksyon. (ecb/PIA7-Bohol)