Call center sa daan nga CAAP

passenger terminal, gibuksan

TAGBILARAN CITY, Bohol Sept 17 (PIA)—Sugod sa Oktubre 1, gitumong sa usa ka bag-o nga call center company nga makabukas na sa ilang unang site, dinhi sa Bohol.

Kini maoy gilibkas nga Innercore President ug Jagna-anon nga si Ramil Ranara, kang kinsa nga contruction company maoy natahasan nga mag-ugmad sa unang usa ka ektarya nga luna nga iya sa kagamhanang Probinsyal didto sa daan nga tugpahanan.

Kini usab human gipanalanginan ang bag-o pa lamang nga nahuman nga Site-One sa Innercore, matud ni Ranara, nga ilang na-abangan sa Civil Aviation Authority of the Philippines (CAAP).

Ang daan ug gibiyaan nga terminal building sa kanhi Tagbilaran City Airport, karon usa na ka refurbished 368 seat nga call center.

Sa usa ka ektarya nga luna nga iya sa kagamhanang Probinsyal, tukoron sa Innercore ang duha ka building alang sa Sagility, ug lain pang strip mall nga mag-alagda sa 360 ka mga empleyado kon makasugod nag operate ang kompanya.

Mismo si Gobernador Erico Aristotle Aumentado ang labing taas nga opisyal sa lalawigan ang mingtambong sa ribbon cutting ug pagbalaan sa bag-ong buhatan.

Gani, matud sa Bol-anong president sa Innercore, una nga giplano nga dinhoi sa nahisgutang building himo-on ang training center sa mga mamahimong makatrabaho sa call center nga iya sa Sagility.

Apan, dungan usab sa pagkalangan sa pagcomply sa mga papeles ug dokumentos anga sa Site-2, ang building unta nga tukoron sa Innercore alang sa Sagility, nahukman sa call center company nga nagatanyag sa serbisyo suporta sa mga kompanya sa Tinipong Bansa sa Amerika.

Gani, matud sa Innercore, nahuman nila ang pagrefurbish sa daan nga terminal building sulod sa 67 ka adlaw: duha ka buwan nga pagpahiluna ug pagbag-o sa lay-out ug lain pang usa ka semana sa pagtesting sa mga Sistema nga magsuporta sa full blown call center operations.

Kini usab samtang daku ang kalipay ni Gob Aumentado, sa potensyal nga mga bag-ong trabahante, mga kabataan nga makasulod sa medyo arang-arang nga trabaho. RAHC/PIA-7/Bohol)