DOST STII mingtugyan sa

STARBOOKS sa IKA Cortes

IKA-CORTES, Bohol Sept 25 (PIA)— Malampuson nga gitugyan sa Department of Science and Technology (DOST) Science and Technology Information Institute (STII) ang duha ka computer units nga nga gisudlan na sa Science and Technology Academic and Research-Based Openly Operated KioskS (STARBOOKS), alang sa Infant King Academy (IKA), dinhi.

Ang STARBOOKS, nagsilbe nga libre ug stand-alone nga nga kakuhaan sa kasayuran alang sa pagresearch ug pagtudlo, lakip na ang panginahanglan sa mga estudyante sa pagkat-on, bisan pa kon walay akses sa internet, matud ni Meljun Signe, alang ni DOST Bohol Provincial Director Vina Antopina.

Ang STARBOOKS may libo-an ka mga kakuhaan og kasayuran sa siyensya, teknolohiya ug uban pang mga mahimungdanon nga angay kat-onan, pinaagi sa pagbasa, pagpaminaw ug pagtan-aw sa mga videos alang sa panudlo nga gipailawom sa ilang tagsatagsa ka kategorya.

Ug alang s amga tunghaan nga hangtud karon, wala pay koneskyon sa internet, kini nga STARBOOKS mahimo gihapon nga magamit bisan sa mga lugar nga walay signal, mga lugar nga apike sa tun-anan ug bisan na gani sa mga lugar nga mas sayun nga kasudlan sa gaan nga computer kon itandi sa tonelada nga mga libro nga kinahanglanon aron makahimo og research, pasabut ni Signe.

Hinuon, ag STARBOOKS research kiosks sa IKA Cortes, tungod kay nakasumpay sa internet ug sa local area network, ang mga kasayuran nga gisulod sa us aka server computer, mahimo nga ma-akses sa mga computers nga nakakabit sa local area network ug sa nakakonektar sa wireless fidelity (WIFI).

Gihimo usab didto ang us aka oras nga orientation sa paggamit sa STARBOOKS kiosk ug sa mga panudlo nga ania dinhi.

Dul-an sa napulo ka mga magtutudlo, duha ka network administrators ug ang principal nga si Zoe Chiu ug School Director nga si Fr Ruel Pangan ang mihuman og tambong sa bansaybansay.

Sa maong katikaran, nagpasalamat si Fr Pangan sa DOST, ug sa partnership niini sa tunghaan pinaagi sa mga alumni, aron makakuha ang tunghaan sa nasampit nga teknolohiya nga anaa sa personal computer.

Aghat sa director sa tunghaan ngadto sa mga magtutudlo, nga gamiton ang STARBOOKS aron pag-update sa mga leksyon ug ire-align na ang mga kasamtangan nga kuros nga nanginahanglan na sa updating aorn mapa-usab ug mosaka na ang ang-ang sa pagkat-on sa mga kabataan.

Samtang ang STARBOOKS, kasagaran nga anaa na sa mga tunghaan nga pangpubliko, pipila pa lamang ka pribadong tunghaan sa highschool ang nakakuha sa teknolohiya nga nakuha na sa IKA Cortes. (PIABohol)

STARBOOKS SA IKA-CORTES. Nakakuha ang IKA Cortes, usa ka private parochial school sa Cortes sa DOST-STII Starbooks agi og dugang tinubdan sa makat-onan sa mga kabataan, ilabi na kadtong mahiligon sa Science and Technology, apan walay igong kakuhaan sa kasayuran ang eskwelahan. (PIABohol)