Paghinay sa Eskina Macaas

Kay adunay gipangtrabaho

TAGBILARAN CITY, Bohol, Feb 27 (PIA)—Alang sa mga motorista, maghinay-hinay ug magbantay samtang paduol sa eskina sa Macaas Tubigon, paingon sa Catigbian, ug gikan sa Tubigon ngadto sa Clarin.

Kini kay ipatuman sa Department of Public Works and Highways (DPWH) District Engineering Office 1 ang pagsemento sa road shoulders, pagkawot sa karsada aron mapahimutang ang pagpalig-on sa subgrade ug pagsemento lakip na ang pagpahimutang sa reflectorized Thermoplastic Pavement Markings dinhing dapita.

King nga proyekto, segun pa ni Officer In Charge Engineer Sa DE1 nga si Engineer John Paul Gascon, kalabut pa gihapon sa Infrastructure Dissemination Program sa ahensya.

Nunot niini, hangyo sa DPWH sa tanan na maapektohan niining trabaho, sa pagsabut sa temporary nga kahasul. (PIABohol)