4 water desalination plants

Ipahimutang karong tuiga

CORTES, Bohol, March 16 (PIA)—Upat ka sea-water desalination plants ang abagan sa Kapitolyo karong tuiga alang sa mga isla nga wala pay kasaligan nga tinubdan sa tubig mainum.

Kini ang gipahayag ni GObernador Erico Aristotle Aumentado, sa pagpakighinabi sa media, human mapasigai ang lima ka isla nga mga barangay sa Bohol.

Sa una nga termino sa gobernador, iyang gipahiluna ang katumanan sa iyang mga damgo alang sa mas malungtaron nga kaugmaran pinaagi sa pagpahiluna sa mga imprastraktura nga maoy makatunhay sa mga pagpaningkamot sa kaugmaran.

SUga ug tubog, matud ni Aumentado ngadto sa media, human nga ang mga kaislahan sa Bohol nga anaa sa unang distrito nga nahatagan na og una sa suga ug tubig, mas dali ug pmas paspas ang pag-asenso niini, samtang nagpabilin nga giguyod ang pag-panaw sa Bohol, sa mga isla ug kabarangayan nga walay malungtarong imprastraktua sama sa suga ug patubig.

Sa mga isla nga butangan sa planta sa patubig nga giproseso gikan sa tubig parat, gipadayag sa gobernador nga may duh aka isla sa ikaduhang distrito, usa sa mga isla sa Tubigon ug usa sa mga isla sa Balicasag o sa Pamilacan.

Tumong usab ni Aumentado nga apuran ang mga isla nga dili maabut sa linya sa patubig, sa mga water desalination plants nga paandaron sa solar power o sa mga generators nga gipahimutang sa National Power Corporation (NPC) Small Power Utilities Group.

Gawas pa, nagdto usab s amga isla nga dili na maatul og sulod sa submarine cables aron mabutangan sa kutay sa koryente, sundon sa kagamhanan ang pagpakigtambayayong sa National Electrification Administration alang sa pagpahimutang sa mga linya sa koryente sa kaislahan samtang ang NPC SPUG maoy magbutang sa mgha generators.

Namatikdan na sa mga ekonomista nga kon ang us aka lugar, walay tubig ug suga, kini magpabilin nga dili maka-ugmad sa iyang kaugalingon, ug kon mougmad man, dili usab kini molahutay. (PIABOhol)