District 1, nangharos sa

‘Women Fire Olympics’

TAGBILARAN CITY, Bohol (PIA)—Giharian sa District 2 Team kinsa maoy mingpunit sa Championship Trophy sa bag-o lamang nga gihuman nga Bohol Women Fire Olympics nga didto sa PMI Grounds sa Taloto.

Ang susamang Team sa mga babaye nga fire-fighters mao usab ang mingharos sa relay sa pinaspasay nga pagsulot sa protective personal equipment (PPE) ug paglabay sa gilakon nga fire-hose: usa sa mga importante nga katakus sa pagpatay sa sunog.

Nahimong First Runner Up usab ang gihiusa nga team sa Tagbilaran City Fire Station ug Bohol Provincial Fire Office samtang nakuha nga second runner up and District 1 Team 3.

Didto sa Fire Olympics nga gisalmotan sa mga babaye nga bomber, gibutyag ni Tagbilaran City Fire Marshal Angelie Salva, nga gituyo nila ang pagpadayag sa katakus sa kababayen-ang bomber isip highlight sa Women’s Month gawas pa nga ang Marso, buwan usab sa pagpugong sa Sunog.

Buot usab ipakita sa kababayen-ang bombero, matud pa ni Fire Superintendent Salva, nga mahimong dili sila makaapas sa kakusgan sa mga kalalakin-ang bomber, apan kaya gihapon nila nga mopawong sa sunog pinaagi sa taktika ug kaaskil, nga dili na kinahangla’g pakusog.

Pananglit, giisip ang Tagbilaran City Fire Station 1 Team nga mabing abtik sa Fire Rescue and Transfer diin kinahanglan kininig mag-arsa sa biktima ug magpasakay niini sa spineboard ngadto sa luwas nga lugar.

Nakuha usab sa District 1 Team 2 ang kinapaspasan sa pagsul-ob sa fire coat nga maoy personal protective equipment, ug ang paglabay sa gilukot nga firehose, aron makapadangat sa tubig pamatay sunod.

Sa lumba sa pagpatay sunod gamit ang fire hose, mingdaug ang District 1 Team 3: lumba nga naglangkob sa pgakuha ug pag-labaysa fire hose, pagsumpay-sumpay niini matag 15 metros gikan sa bomba sa bomber, ngadto na sa nozzle nga maoy gawasan sa tubig.

Sa lain nga friendly games sa Fire Olympics sa mga kababaehang bombero nga gilangkoban sa mga teams gikan sa tulo ka distrito sa Bohol, sa duwa nga tug of war, ang District 1 Team 3 mao ang mingdaug.

Agi usab og kalingawan, mingdaug si Fire Officer 1 Vivencio Jumawid Jr., isip prince Charming sa Women’s Fire Olympics.

DUL-AN SA 30%.Nagkadaghan na ang mga kabebeyen-an nga mingsulod sa pagka fire fighter, ug samtang haum kayo sila sa administrative work, daghan usab ang mga kababayen-ang bombero ang nakapakita ug halos susama nga abilidad sa mga kalalakinhan sa pagresponde sa sunog, segun sa gikapakita sa labing uwahi nga Women Fire Olympics. (PIABohol)