Half-day WFH nga set-up ipatuman sa mga

buhatan sa gobyerno sa Miyerkoles Santo

TAGBILARAN CITY, Bohol (PIA)--Ang mga opisina sa gobyerno mopatuman sa work-from-home nga kahikayan sa tunga sa adlaw sa Miyerkules Santo, Abril 1, gi-anunsyo sa Malacañang niadtong Martes.

Gipahibalo ni Palace Press Officer Claire Castro nga ang mga kawani sa gobyerno motrabaho sa balay gikan sa alas 8 sa buntag hangtod sa alas 12 sa udto, ug human niini suspendido ang trabaho sa mga buhatan sa gobyerno.

Ang adjustment subay sa pag-obserbar sa Semana Santa, usa sa labing mahinungdanong relihiyosong mga panahon sa nasod, diin daghang mga Pilipino ang mobiyahe ngadto sa ilang kaugalingong probinsiya o moapil sa mga relihiyosong kalihokan.

Ang Huwebes Santo, Abril 2 ug Biyernes Santo, Abril 3 mga regular holidays, samtang ang Sabado Santo, Abril 4 gideklarar nga special non-working day.

Ang Semana Santa naghandom sa pasyon, kamatayon, ug pagkabanhaw ni Hesu Kristo. (ECB/PIA7-Bohol)

Ang Memorandum Circular No. 116 nga nagdeklara sa pagsuspenso sa trabaho sa gobyerno sa Abril 1 gikan sa alas 12 sa udto pataas aron hatagan ang mga kawani sa gobyerno sa hingpit nga higayon sa husto nga pag-obserbar sa Huwebes Santo ug Biyernes Santo. (Official Gazette photo)