PhilHealth nagpalambo sa sistema sa pagbayad gamit

ang SPA Generator alang sa mga Self-Paying Members

TAGBILARAN CITY, Bohol (PIA)--Isip kabahin sa digitalization efforts niini aron mapalambo ang service efficiency, ang Philippine Health Insurance Corporation (PhilHealth) naglusad sa Statement of Premium Account (SPA) Generator alang sa self-paying nga mga miyembro sugod Abril 1, 2026.

Ubos niini nga inisyatiba, ang mga miyembro nga nagbayad sa kaugalingon gikinahanglan nga maghimo og usa ka Statement of Premium Account (SPA) sa wala pa ang pagbayad, pagsiguro nga ang mga kontribusyon husto nga natala ug gikredito sa wala’y paglangan.

Kining digital nga sistema makapamenos sa mga sayop sa pagproseso sa pagbayad ug makatabang sa mga miyembro sa pagmintinar sa tukma, pinakabag-o nga mga rekord sa kontribusyon, nga importante sa pag-angkon sa mga benepisyo sa PhilHealth.

Subay sa PhilHealth Advisory 2026-0016, usa ka polisiya nga “No SPA, No Payment” ang ipatuman alang sa self-paying nga mga miyembro, lakip ang Self-Earning Individuals, Professional Practitioners, ug Overseas Filipinos (walay labot sa sea-based migrant workers).

Ang PhilHealth nag-awhag sa mga miyembro sa pagsugod sa paggamit sa SPA Generator sa dili pa ang hingpit nga pagpatuman aron masiguro ang hapsay nga transisyon.

Ang mga miyembro mahimong makamugna sa ilang SPA pinaagi sa spagen.philhealth.gov.ph o pinaagi sa pag-scan sa QR code nga makita sa opisyal nga website sa PhilHealth.

Ang sistema nagmugna og QR-coded SPA nga adunay mga importanteng detalye sa pagbayad, nga mahimong ipresentar sa mga miyembro ngadto sa bisan kinsang PhilHealth Local Health Insurance Office (LHIO) cashier o bisan kinsang PhilHealth-Accredited Collecting Agent (ACA) kon mobayad.

Pinaagi sa pag-require og validated SPA sa dili pa ang pagbayad, tumong sa PhilHealth nga mamenosan ang mga sayop sa pag-post, maseguro ang mas paspas nga pag-post sa mga bayranan, ug mapausbaw ang kinatibuk-ang kaepektibo sa serbisyo.

Gipahinumdoman usab sa PhilHealth ang mga miyembro nga makigtransaksyon lamang sa mga awtorisado nga PhilHealth-accredited collecting agents ug likayan ang pagpaambit sa ilang namugna nga SPA sa dili awtorisado nga mga indibidwal aron maseguro ang seguridad sa ilang personal ug impormasyon sa pagbayad.

Alang sa updated ug kompletong listahan sa PhilHealth-Accredited Collecting Agents (ACAs), ang mga miyembro mahimong mobisita sa opisyal nga website sa PhilHealth.

Para sa mga pangutana bahin sa SPA Generator, ang mga miyembro mahimong mokontak sa labing duol nga PhilHealth Local Health Insurance Office o motawag sa Corporate Action Center sa (02) 866-225-88. Anaa usab ang mobile hotlines: 0998-857-2957 / 0968-865-4670 (Smart) ug 0917-127-5987 / 0917-110-9812 (Globe). (ECB/PIA7-Bohol)

Gi-awhag sa PhilHealth ang mga miyembro niini sa pagsugod sa paggamit sa SPA Generator sa dili pa ang hingpit nga pagpatuman aron masiguro ang hapsay nga transisyon. (PhilHealth)