MATUD SA DENR-EMB

Pyrolysis aron makakuhag

Bio-oil igtutubil, delikado

TAGBILARAN CITY, Bohol (PIA)—Delikado sa cancer ug maghatag ang pyrolysis og seryoso nga peligro sa kasanihan (health) ug sa kalikopan.

Kini maoy pamahayag sa Department of Environment and Natural Resources (DENR) human nakamatikod nga may mga tawo na nga naghimo og backyard mini-pyrolysis.

Ang pyrolysis usa ka proseso kemikal diin ang mga organic materials sama sa gihimo nga Polyethylene Terephthalate (PET) nga mga botelya ug mga plastic tunawon, gamit ang grabe ka init diin ang ka walay oxygen, maoy makaingon nga mapagawas ang gitawag og bio-oil, nga mahimong itubil sa mga sakyanan.

Sa nagpadayon nga krisis sa igtutubil sa nasud, namatikdan sa DENR nga may mga tawo nga nagpakita sa youtube vidoes sa pagkuha sa bio-oil pinaagi sa pagsunog.

Samtang ang pagsunog sa mga plastic ug PET bottlesgiisip nga us aka maayong paagi sa pagdumala sa basura sama sa gihimo sa ubang nasud diin ang basura maoy gihimong tinubdan sa elektrisidad, nagpahimangno ang ahensya, nga kinahanglan nga sakto nga pamaagi ang gamiton niini.

Matud sa DENR sa us aka pahayag, ang pagsunog magkinahanglan nga moabut sa 800 ngadto sa 12000 degress Celsius ang kainiton aron kapugngan ang pag-alisngaw sa Polychlorinated dibensi-p-dioxins (PCDD) ug poly chlorinated dibensofurans (PCDFs) nga makanser alang sa mga makasimhot niini.

Gawas pa, ang sunoganan, magkinahanglan og may gipahimutang nga Air Pollution Control Device (APCD) aron mapugngan ang paggawas sa mga kemikal nga makadaut sa lawas ug sa kalikopan.

Nunot niini, gidiskorahe sa DENR Environment Management Bureau and nahisgutan nga pamaagi. (PIAbohol)