DND nipasidaan batok sa peke nga mga asoy bahin sa

direktang hulga sa panagbangi sa Middle East sa PH

TAGBILARAN CITY, Bohol (PIA)--Gipasidan-an sa Department of National Defense (DND) ang publiko batok sa mga bakak nga asoy taliwala sa nagpadayon nga tensyon sa Middle East.

Sa usa ka pahayag, ang DND nag-ingon nga ang mga bakak nga asoy bahin sa kahimtang sa Tunga-tungang Sidlakan nag-circulate online, nga naghatag og kabalaka ug kalibog sa publiko.

“We enjoin the public to refrain from sharing unverified materials and obtain information only from reliable sources (Among gi-awhag ang publiko nga likayan ang pagpaambit sa wala mapamatud-an nga mga materyales ug pagkuha og impormasyon gikan lamang sa kasaligang mga tinubdan)," matud pa sa pahayag sa DND.

Gipasalig usab sa DND nga pabilin silang andam sa pagtubag sa mga posibleng contingencies aron mapanalipdan ang kaayohan sa mga Pilipino kung ang sitwasyon nagkinahanglan og dugang aksyon.

Ang Armed Forces of the Philippines (AFP) hugot usab nga nagmonitor sa mga kalamboan sa Middle East.

Ang AFP nagkanayon nga walay katuohan nga direktang hulga sa teritoryo sa Pilipinas o sa mga Pilipino ug langyaw nga mga nasyonalidad sa nasud.

Si Presidente Ferdinand R. Marcos Jr. hugot nga nagmonitor sa mga kalamboan sa Middle East nga nagmando sa mga mahinungdanong ahensya sa gobyerno aron masiguro nga ang kaayohan ug proteksyon sa mga overseas Filipinos matubag sa husto ug dihadiha dayon taliwala sa nagkagrabeng tensyon. (ECB/PIA7-Bohol)

Nipasidaan ang Department of National Defense batok sa mga video ug uban pang materyal nga gi-post sa online nga nagpakaylap sa mga bakak nga asoy bahin sa kahimtang sa Middle East. Gi-awhag sa buhatan ang publiko nga likayan ang pagpaambit sa wala mapamatud-i nga mga materyales ug pagkuha og impormasyon gikan lamang sa kasaligang tinubdan. (DND/PIA)