NCIP may 70 na ka scholars

gikan sa tribung lumad dinhi

Naa sa lima ka sakop sa mga tribu nga nanimuyo pa sa Bohol ang makatapos sa pagtuon sa matag tuig, kon kwentahon ang 70 na ka sakop nga mitapos pinaagi sa programamg pang scholarship alang kanila. 

Gipadayag sa National Commission on Indigenous Peoples (NCIP) nga kini maoy nabutyag atul sa malampusong pagsaulog sa ilang labing unang Convention ug Assessment nga labing una usab sa Pilipinas. 

Kini dinhi mahitabo sa Bohol. 

Naa ilawom sa mandatus sa NCIP ang pag-atiman sa mga sakop sa tribu nga Eskaya, Ati ug Badjao, kansang mga sakop usab makakuha sa NCIP Scholarship Program.

Ang 70 ka mga sakop sa mga tribu nga nakalampus sa pagtunghan gipatambong usab sa Convention didto sa Jjs Seafoods niadtong Disyembre 10, 2016. 

Ang NCIP Scholarship program napailawom sa Educational Assistance Program (EAP) sa ahensya motanyag sa P10 mil sa matag tinun-ang mopahimulos niini.

Hinuon, estrikto tungod kay ang mga napamatud-an lamang nga sakop sa mga nahisgutang tribu ang makapahimulos niini, ug magsugod sa ilang pagtambong sa unang angang sa kolehiyo. 

Laing scholarship program usab, ang gihinganlan og Merit-Based Scholarship Program nga alang lamang sa mga sakop sa tribu nga mitapos sa high school nga naapil sa top ten sa klase. 

P25,000 ang pundo nga ihatag sa NCIP niining programaha, matag semester, pasabut ni Sisinio Amplayo, hepe sa NCIP Bohol. 

Duha ka priority courses usab ang gitutokan sa mga mokuha sa scholarships, dugang niya. 

Kurso sa panudlo o Education ug kurso sa panguma (Agriculture) ang tuyo sa NCIP nga mahuman sa mga scholars nga sakop sa mga lumad. 

Sa maong nasampit nga Convention, ang pinasidunggang mamumulong si nga so NCIP Commissioner Roy Dabuit, miaghat sa mga sakop sa mga lumad nga seryosohon ang pagtungha aron kanila magsugod ang tabang alang sa mga lumad ra usab. 

As iyang mensahe, si Amplayo midason sa panawagan pinaagi sa dugang pagdasig sa mga scholars sa paghimong mga kaabag alang sa mga kalambuan sa ilang tagsatagsa ka komunidad. 

Partikular usab nga gitinguha sa NCIP nga mapaladpan pa ang kahibalo ug kasayuran sa mga lumad kabahin sa balaod sa Indigenous People's Rights Act of 1977 aron mas mapalapad pa ang kampanya alang sa mga katungod sa mga lumad. 

Sa laing bahin, ang OIC sa NCIP sa Region 76 ug 7, Anna Burgos midayeg usab sa mga kjasinati-an ug sakripisyo sa mga sakop sa mga lumad kinsa pipila kanila motadlas og mga kalasangan aron lamang makaabut sa mga tunghaan ug makalikay sa pletehan. 

Niini, mapasalamaton ang mga mitapos kawani sa ilang pagtungha sa mga kawani sa NCIP kinsa maoy miagak kanila ngadto sa kalampusan. 

Kasamtangang may 20 na ka mga tinun-ang indigenous Peoples nga nagpahimulos sa programang EAB scholarship samtang may usa ka buok ang nakadawat sa MBSP, dugang ni Amplayo. (JunAnunciado)