15 adlaw nga pag-proseso sa mga ‘public request,’ 

gimando ni Duterte sa mga ahensiya sa gobyerno 

MANILA, Mayo 9 (PIA)--Gihatagan lamang ni Presidente Rodrigo Roa Duterte ang mga ahensiya sa gobyerno og 15 ka adlaw aron motubag sa bisan unsang public request ug concerns. 

Sa Memorandum Circular 44 nga gipagawas sa Malakanyang niadtong Mayo 4, nakalatid nga “MC 44 was a reiteration of Section 5a of Republic Act 6713 (Code of Conduct and Ethical Standards for Public Officials and Employees) that mandates public officials and employees to respond to communication sent by the public within 15 working days from receipt.” 

Parte usab kini sa gisaad ni Duterte niadtong 2016 nga putlon niya ang ‘bureaucratic red tape’ sa nasod. 

Sakop sa maong kamanduan ang tanang ahensiya sa gobyerno bisan ang mga government-owned and controlled corporations (GOCCs) nga paspasan ang pagtubag sa mga clearances, permits ug uban pang record o dokumento nga e-request sa publiko. 

Kahinumdoman nga gimanduan sa Presidente ang iyang gabinete nga kuhaan ang mga requirements ug ang processing time sa tanang applications gikan sa submission hangtod sa release. 

Gimanduan usab niya ang tanang department secretary ug pangulo sa mga ahensiya nga molayo sa pamalakad nga bag-ohon ug balion ang patakaran o sumbanan alang sa mga government contracts. 

Gitumbok sa Presidente nga dili niya gustong makita nga maglisod sa pagpila ug magbalik-balik pa ang publiko sa pagkuha sa mga kinahanglang record o dokumento. (ecb/PIA7-Bohol).