Marso 22, 2019, gi-deklarar 

nga Emilio Aguinaldo Day 

TAGBILARAN CITY, Nov. 15 (PIA)--Gi-deklarar ni Presidente Rodrigo Duterte ang Marso 22, 2019 isip “Emilio Aguinaldo Day” agi og pagtimaan sa ika-150 nga adlaw’ng natawhan sa unang pangulo sa nasod. 

Sa gipagawas nga Proclamation No. 621 sa Malakanyang, nakalatid ang deklarasyon sa Marso 22, 2019 isip Aguinaldo Day. 

Tungod sa moang proklamasyon, adunay mandato ang National Historical Commission of the Philippines (NHCP) isip nag-unang ahensiya sa gobyerno alang sa kasaulogan sa ika-150 nga adlaw’ng natawhan ni Aguinaldo. 

Mahimong magpatawag ang NHCP og inter-agency task force alang sa pag-plano, pakig-alayon ug implementasyon alang sa tanang programa, proyekto ug kalihokan kalabot sa maong okasyon. 

Gi-awhag ang tanang ahensiya, departamento, bureau, mga buhatan, national government agencies, local government units ug government-owned-controlled corporation nga suportaan ug tabangan ang NHCP alang sa obserbasyon sa nahisgotang selebrasyon. (ecb/PIA7-Bohol)