May edad 10-65 anyos tugotan nang

makagawas sa balay sugod Peb. 1 – IATF

MANILA, Jan. 25 (PIA)--Gi-aprobahan na sa Inter-Agency Task Force for the Management of the Emerging Infectious Diseases (IATF) ang rekomendasyon nga ubsan pa ang edad sa mga batang makagawas sa balay, lakip na usab ang mga senior citizens hangtod edad 65 anyos.

Kini ang gikumpirmar ni Presidential Spokesman Harry Roque diin matud pa, mahimo nang makasuroy ang mga batang may edad 10 anyos ug mga lolo ug lolang 65 anyos nga naa sa mga lugar nga ubos sa Modified General Community Quarantine (MGCQ) sugod sa Pebrero 1, 2021.

“10 years old and those who are over 65 years of age shall be required to remain in their residence at all times,” matud pa ni Roque.

Gimanduan sa IATF ang mga local government units (LGUs) nga mosunod niining bag-ong kamanduan.

“Local government units, on the other hand, are enjoined to adopt the same relaxation of age-restrictions for areas under General Community Quarantine,” dugang pa ni Roque.

Apan gi-klaro sa IATF nga makagawas lamang sa balay ang mga batang may edad 10-14 anyos kun kauban ang ilang mga ginikanan.

Kahinumdoman nga gibawalan sa gobyerno ang mga bata ug senior citizens nga makagawas sa ilang balay tungod kay gikonsiderar sila nga labing vulnerable sa COVID-19. (ecb/PIA7-Bohol)

Gi-aprobahan na sa IATF nga makagawas sa balay ang mga batang may edad 10 anyos ug ang mga senior citizens hangtod 65 anyos nga naa sa mga lugar nga gipaubos sa MGCQ sugod sa Pebrero 1, 2021. (PCOO)